Endi aýyr jáne asa aýyr qylmystardyń aldyn alý qajet bolǵan jaǵdaida Ulttyq qaýipsizdik komiteti internetke, uialy bailanysqa jáne jekelegen internet-resýrstarǵa qoljetimdilikti ýaqytsha shektei alady, dep habarlaidy dalanews.kz.
Konstitýtsiialyq sot mundai sharalar azamattardyń konstitýtsiialyq quqyqtaryn buzbaitynyn málimdedi. Sottyń túsindirýinshe, shekteýler ýaqytsha sipatqa ie jáne qoǵamdyq qaýipsizdikti qamtamasyz etýge baǵyttalǵan.
Sonymen qatar Konstitýtsiialyq sot qoldanystaǵy zańnamany jetildirý qajettigine nazar aýdardy. Atap aitqanda, internet pen bailanys quraldaryna qoiylatyn shekteýlerdiń qandai jaǵdailarda jáne qansha merzimge engiziletini naqtyraq aiqyndalýy tiis. Bul qaýipsizdik máseleleri men azamattardyń quqyqtary arasyndaǵy tepe-teńdikti saqtaýǵa múmkindik beredi.
