Mysal úshin, 100 myń adamnyń 1 myńy qalaǵa kóship keldi delik. Osy kelgender tolyq orys tiline kóship bolǵannan keıin ǵana kelesi myń adam qalaǵa jiberilip otyrdy.
Al qalalardyń barlyǵynda orystildi mektepter, orystildi qarym-qatynas.
Aýyldan kelgen bir lek tilinen aırylǵannan keıin baryp, olardyń ornyn kelesi lek basyp otyrdy.
Eger sol kezde qazaqtar qalaǵa jappaı kóship kelse, onda tildi de ózderimen birge ala keler edi. Olarǵa mundaı múmkindik jasalǵan joq.
Osy saıasattyń saldarynan qazaq halqy ónerkásipte jumys isteý múmkindiginen aıyryldy. Munyń eki zıany boldy. Birinshiden, tehnologıany ıgerýden artta, kombaın men «GAZ-53»-tiń aınalasynda qalyp qoıdy.
Ekinshiden, materıaldyq jaǵdaıy tómen boldy. Sebebi, qazirgi jaǵdaıdy bylaı qoıyp, KSRO-nyń kezin alyp qarasaq, ónerkásip pen aýyl sharýashylyǵyndaǵylardyń tabys aıyrmashylyqtary jer men kókteı bolatyn. Qazaq halqy buıyǵy aýyldarda qalýy saldarynan, óz múddesin joqtaıtyn yqpaldy saıası kúsh retinde qalyptasa almady.
Altynbek Sársenbaıuly
Derekkóz: Túrkistan gazeti
