QMA Pavlodar oblysy boiynsha departamenti sirek kezdesetin jáne joiylyp ketý qaýpi bar jyrtqysh qustardy zańsyz iemdený jáne ustaý deregi boiynsha jergilikti turǵynǵa qatysty sotqa deiingi tergep-tekserýdi aiaqtady, dep habarlaidy dalanews.kz.
Tergeý málimetinshe, kúdikti 2017 jyldan bastap "Qusbegilik" federatsiiasynyń jáne Qazaqstannyń ulttyq qusbegilik quramasynyń múshesi bola otyryp, Qaraǵandy qalasyndaǵy óz úiiniń aýmaǵynda zańsyz tálimbaq uiymdastyrǵan.
Ol ańshylyq, qyran qustardy kútip-baptaý jáne emdeý taqyrybyna arnalǵan Instagram paraqshasy arqyly tabiǵi mekendeý ortasynan zańsyz alynǵan sirek kezdesetin jyrtqysh qustardy jetkizip beretin adamdarmen bailanys ornatqan. Tintý barysynda onyń turǵylyqty mekenjaiynan 35 jyrtqysh qus tárkilendi. Olardyń qatarynda itelgi, búrkit jáne lashyn bar.
Bul qustar Qazaqstannyń Qyzyl kitabyna engizilgen jáne sirek kezdesetin ári joiylyp ketý qaýpi tóngen janýarlar sanatyna jatady. Kúdikti qamaýǵa alyndy. Sot sanktsiiasymen oǵan tiesili Toyota 4Runner kóligine tyiym salyndy.
Qazir qustar ýaqytsha Qaraǵandy qalasynyń haiýanattar baǵynda. Sot úkimi zańdy kúshine engennen keiin olar tabiǵi mekendeý ortasyna jiberiledi.
