Aıtýly sharaǵa BUU Bas hatshysy Antonıý Gýterrısh quttyqtaý hat joldap, Halyqaralyq volonterler forýmynyń mańyzy jaıynda oıyn ortaǵa salypty.
– Men Halyqaralyq eriktiler forýmyna óz sálemimdi joldaýǵa jáne Qazaqstanǵa volonterlikti ilgeriletýge, ozyq tájirıbemen bólisýge jáne halyqaralyq yntymaqtastyqty nyǵaıtýǵa beıildiligi úshin óz alǵysymdy bildirýge qýanyshtymyn.
Eriktiler Birikken Ulttar Uıymynyń qundylyqtaryn beıneleıdi. Bas Assambleıa rastaǵandaı, volonterlik 2030 jylǵa deıingi ornyqty damý maqsattaryn ilgeriletýde jáne eshkimniń artta qalmaýyn qamtamasyz etýde mańyzdy ról atqarady.
Adamzat kúrdeli jáne ózara baılanysty syn-qaterlerge tap bolǵan jaǵdaıda, eriktilerdiń adaldyǵy men berilgendigi burynǵydan da qajet. Eriktiler gýmanıtarlyq kómek kórsetý, beıbitshilik pen teńdikti jaqtaý, planetamyzdy qorǵaý úshin qyzmet etý arqyly jáne ártúrli basqa tásildermen sansyz adamdardyń ómirleri men qaýymdastyqtarǵa naqty ózgerister ákeledi.
Men óz ýaqyty men kúsh-jigerin muqtaj jandarǵa kómektesýge arnaıtyn dúnıe júzindegi mıllıondaǵan adamdarǵa shyn júrekten alǵys aıtamyn. Men barlyq úkimetterdi volonterlikti qoǵamdastyqtardyń múmkindikterin keńeıtýdiń jáne áleýmettik kelisimdi qurýdyń mańyzdy quraly retinde qoldaýǵa jáne tanýǵa shaqyramyn.
Barlyǵy úshin beıbit, ádil jáne ornyqty bolashaqty qurý úshin yntymaqtastyqtyń kúshin birlesip qoldanaıyq, – dep BUU Bas hatshysy Qazaqstan men forýmǵa qatysýshylarǵa ystyq sálemin joldapty.
