Vetnamdyq kompaniia Qazaqstandaǵy áýejaidy satyp alǵysy keledi, dep habarlaidy Dalanews.kz.
Vetnamdyq Sovico Group kompaniiasy Qazaqstandaǵy áýejailardyń birin satyp alý nemese basqarýǵa alý múmkindigin qarastyryp jatyr.
«Olar áýejaidy satyp alý nemese basqarýǵa alý múmkindigin qarastyrýda, sebebi kez kelgen áýe kompaniiasy úshin bazalyq áýejaidyń bolǵany mańyzdy. Bul – óte iri, qarqyndy damyp jatqan kompaniia», – dedi Serik Jumanǵarin.
Eske salaiyq, byltyr tamyzda Atyraýdyń áýejaiyn endi sheteldikter basqaratyny belgili boldy.
"ATMA - Atyraý áýejaiy jáne tasymaldaý" AQ kompaniiasynyń aktsiialaryn ielikten alý protsedýrasy maquldandy. Onyń jańa ieleri Katarda tirkelgen kompaniia - QazAir Investments LLC atandy.
Buǵan Úkimettiń 2024 jylǵy 7 tamyzdaǵy "Strategiialyq nysandardy ielikten alý týraly" qaýlysy dálel.
Atyraý áýejaiynyń qoldanystaǵy aktsionerleri - Mağdenli Yer Hizmetleri ve Taşima A.Ş jáne "Atyraý" áleýmettik-kásipkerlik korporatsiiasy" AQ óz aktsiialaryn QazAir Investments LLC paidasyna beredi, - delingen qujatta.
Olardyń árqaisysyna "ATMA - Atyraý áýejaiy jáne tasymaldaý" AQ kompaniiasynyń 50%-y tiesili bolǵan.
