ۆەتنامدىق كومپانيا قازاقستانداعى اۋەجايدى ساتىپ العىسى كەلەدى، دەپ حابارلايدى Dalanews.kz.
ۆەتنامدىق Sovico Group كومپانياسى قازاقستانداعى اۋەجايلاردىڭ ءبىرىن ساتىپ الۋ نەمەسە باسقارۋعا الۋ مۇمكىندىگىن قاراستىرىپ جاتىر.
«ولار اۋەجايدى ساتىپ الۋ نەمەسە باسقارۋعا الۋ مۇمكىندىگىن قاراستىرۋدا، سەبەبى كەز كەلگەن اۋە كومپانياسى ءۇشىن بازالىق اۋەجايدىڭ بولعانى ماڭىزدى. بۇل – وتە ءىرى، قارقىندى دامىپ جاتقان كومپانيا»، – دەدى سەرىك جۇمانعارين.
ەسكە سالايىق، بىلتىر تامىزدا اتىراۋدىڭ اۋەجايىن ەندى شەتەلدىكتەر باسقاراتىنى بەلگىلى بولدى.
"اتما - اتىراۋ اۋەجايى جانە تاسىمالداۋ" اق كومپانياسىنىڭ اكسيالارىن يەلىكتەن الۋ پروسەدۋراسى ماقۇلداندى. ونىڭ جاڭا يەلەرى كاتاردا تىركەلگەن كومپانيا - QazAir Investments LLC اتاندى.
بۇعان ۇكىمەتتىڭ 2024 جىلعى 7 تامىزداعى "ستراتەگيالىق نىسانداردى يەلىكتەن الۋ تۋرالى" قاۋلىسى دالەل.
اتىراۋ اۋەجايىنىڭ قولدانىستاعى اكسيونەرلەرى - Mağdenli Yer Hizmetleri ve Taşıma A.Ş جانە "اتىراۋ" الەۋمەتتىك-كاسىپكەرلىك كورپوراسياسى" اق ءوز اكسيالارىن QazAir Investments LLC پايداسىنا بەرەدى، - دەلىنگەن قۇجاتتا.
ولاردىڭ ءارقايسىسىنا "اتما - اتىراۋ اۋەجايى جانە تاسىمالداۋ" اق كومپانياسىنىڭ 50%-ى تيەسىلى بولعان.
