«StopMýsor» jobasy korporativtik áleýmettik jaýapkershilik salasyndaǵy bedeldi halyqaralyq jobasy The International CSR Excellence Awards baiqaýynda «altyn» marapatqa ie boldy, – dep habarlaidy Dalanews.kz.
Marapattaý rásimi osy jyldyń jazynda Londondaǵy St Paul’s Cathedral-de ótti. Baiqaýǵa ár elden 500 joba qatysqan. Qazylar alqasy atap ótkendei Qazaqstan Ekologiialyq Uiymdar Qaýymdastyǵy «Filip Morris Qazaqstan» kompaniiasynyń qoldaýymen júzege asyrǵan «StopMýsor» baǵdarlamasy 3 jyl ishinde 3 million adamdy qamtyp, turmystyq qaldyqtardy jaýapkershilikpen basqarý boiynsha turmystyq mádeneittiń ózgerýine yqpal etti. Negizgi múddeli taraptarmen seriktestikte, innovatsiialyq ekokartany paidalana otyryp jáne áleýmettik jelilerde sharalar týraly aqparattardy jariialaý arqyly joba azamattardy turmystyq qaldyqtardy azaitýǵa baǵyttalǵan jumystarǵa tartady jáne eko-mádenietti arttyra túsken.
– «StopMýsor» jobasy mártebeli, jandanǵan jobaǵa ainaldy, óitkeni ol ár qaladan kóptegen turǵyndy qamti aldy. Bul joba ortalyq jáne jergilikti deńgeidegi memlekettik organdarmen, Qazaqstannyń JOO men mektepteriniń pedagogikalyq ujymdarymen, túrli elderdiń elshilikterimen, volonterlik jáne qoǵamdyq uiymdarmen birlese otyryp, salaýatty áriptestik ornatty. Senbilikter, seminarlar, jármeńkeler men túrli aktsiialar arqyly qatysýshylar ekologiialyq jaǵdaidy jaqsartýǵa óz úlesin qosyp jatqanyn sezinedi, jobanyń tanymaldylyǵyn arttyrdy. Osyǵan orai, barlyq seriktesterimizge alǵys bildiremin. Bul joba bizge tabiǵatty aialaýǵa jáne tazalyq úshin ortaq jaýapkershilik alýǵa múmkindik beredi degen úmittemin, – dedi Qazaqstannyń Ekologiialyq Uiymdar Qaýymdastyǵynyń Basqarma Tóraiymy Aigúl Soloveva.
– Jumysymyzdyń nátijesin kórýdiń ózi bir ǵanibet, al CSR Excellence Award baiqaýynda marapatqa ie bolý – bul jobanyń halyqaralyq deńgeide moiyndalýy, sondai-aq júzege asqandyǵynyń belgisi. «StopMýsor» biznes, qoǵamdyq uiymdar men azamattardyń birlesken kúsh-jigeri ekologiialyq jaǵdaidy jaqsartýǵa jáne turǵyndardy qorshaǵan ortany qorǵaýǵa belsendi qatysýǵa shabyttandyra alatynyn kórsetip otyr, – dep atap ótti «Filip Morris Qazaqstan» kompaniiasynyń turaqty damý jónindegi menedjeri Rinat Zaitov.
«StopMýsor» kampaniiasy qoǵam arasynda usaq-túiek qoqysty qoǵamdyq oryndarda tastaýdyń qaýipti saldary jáne qaldyqtardy durys óńdeý daǵdysyn qalyptastyrý týraly habardarlyqty arttyrý maqsatynda uiymdastyryldy. 2020 jyldyń maýsymynan bastap «StopMýsor» qatysýshylary 60-tan astam is-shara ótkizdi. Olardyń qatarynda Astanada polietilen paketterin jinaý, keiin bul paketter zamanaýi sýretshi Saýle Súleimenovanyń «Astana aspanynda» atty art-ekspozitsiiasynda paidalanylǵan; tanymal «Miss Almaty» baiqaýynyń finalistterimen birlesken senbilikter seriiasy; Eco-Talks alańyn qurý, eriktilerge arnalǵan onlain mektep jáne taǵy basqa is-sharalar bar.
Jobanyń uiymdastyrýshylary StopMusor mobildik qosymshasy men www.stopmusor.kz saityn iske qosty. Osy qosymshalar men arnaiy ázirlengen innovatsiialyq eko-kartanyń arqasynda azamattar óz óńirlerindegi ekologiialyq máseleler týraly habarlai alady. Jinalǵan ótinishter odan ári laiyqty baǵalanyp, óz sheshimin tabýy úshin qala ákimshiligine jiberiledi. Ótinish iesi óz ótinishiniń mártebesin baqylap, másele sheshilgennen keiin aqparat ala alady. Qazirgi ýaqytta eko-karta Qazaqstan boiynsha 500-den astam ótinish jinaǵan.
Jobanyń taǵy bir mańyzdy baǵyty – ekologiialyq aktsiialardy uiymdastyrý jáne olarǵa qatysý. «StopMýsor» jyl saiyn «Jer saǵaty» jáne «Dúniejúzilik tazalyq kúni» siiaqty halyqaralyq aktsiialarǵa qatysady. Biyl jazda joba sondai-aq «Taza Qazaqstan» respýblikalyq aýqymdy ekologiialyq aktsiiasynyń bir bóligi boldy. «StopMýsor» jobasy aiasynda Astana qalasy ákimdiginiń qoldaýymen «Jetisu» saiabaǵynda «JasylFest» atty alǵashqy ekologiialyq festival ótti, onda qala turǵyndaryna kúndelikti ómirge ekologiialyq ońai ádetterdi qalai engizýge bolatyny týraly aityldy.
