Qazaqstannyń ornyqtylyq qory Fitch reitingin aldy
2019 jylǵy 25 jeltoqsanda QR Ulttyq bankiniń sheshimimen QOQ jáne Baspana Baspanany QOQ-qa biriktirý arqyly qaita uiymdastyrylǵanyn eske salamyz.
– Fitch reitingi QOQ-tyń Qazaqstan Respýblikasymen tyǵyz bailanysta ekeni týraly pikirin bildiredi («BBB»/boljamy «Turaqty»/«F2»). Memleketpen bailanystaǵy kompaniialarǵa reiting taǵaiyndaý ádisnamasyna sáikes Fitch «joǵarydan-tómenge» tásilin qoldanady jáne memlekettiń QOQ-qa qoldaý kórsetý qabiletin óte joǵary dep baǵalaidy. Agenttiktiń bailanys deńgeiin jáne qoldaý kórsetý úshin stimýldardy baǵalaýyna qarai QOQ-tyń EDR-i Qazaqstan Respýblikasynyń EDR-imen bir deńgeide tur, – dep habarlaidy Fitch Ratings.
Ulttyq Bank buǵan deiin habarlaǵandai, qaita uiymdastyrý ekinshi deńgeidegi bankterdiń qarjylyq turaqtylyǵyn qamtamasyz etý maqsatynda qaitalanatyn fýnktsiialardy biriktirý úshin júrgizildi. Endi qoldanystaǵy jáne josparlanyp otyrǵan memlekettik baǵdarlamalar bir operator – Qazaqstannyń ornyqtylyq qorynda shoǵyrlanatyn bolady. Birikken kompaniia:
- ekinshi deńgeidegi bankterdi qarjylyq qoldaý arqyly bank sektorynyń qarjylyq turaqtylyǵyna járdem kórsetý;
- «7-20-25» ipotekalyq turǵyn úi baǵdarlamasyn oryndaý boiynsha jumysyn jalǵastyrady.
