2019 جىلعى 25 جەلتوقساندا ق ر ۇلتتىق بانكىنىڭ شەشىمىمەن قوق جانە باسپانا باسپانانى قوق-قا بىرىكتىرۋ ارقىلى قايتا ۇيىمداستىرىلعانىن ەسكە سالامىز.
– Fitch رەيتينگى قوق-تىڭ قازاقستان رەسپۋبليكاسىمەن تىعىز بايلانىستا ەكەنى تۋرالى پىكىرىن بىلدىرەدى («BBB»/بولجامى «تۇراقتى»/«F2»). مەملەكەتپەن بايلانىستاعى كومپانيالارعا رەيتينگ تاعايىنداۋ ءادىسناماسىنا سايكەس Fitch «جوعارىدان-تومەنگە» ءتاسىلىن قولدانادى جانە مەملەكەتتىڭ قوق-قا قولداۋ كورسەتۋ قابىلەتىن وتە جوعارى دەپ باعالايدى. اگەنتتىكتىڭ بايلانىس دەڭگەيىن جانە قولداۋ كورسەتۋ ءۇشىن ستيمۋلداردى باعالاۋىنا قاراي قوق-تىڭ ەدر-ى قازاقستان رەسپۋبليكاسىنىڭ ەدر-ىمەن ءبىر دەڭگەيدە تۇر، – دەپ حابارلايدى Fitch Ratings.
ۇلتتىق بانك بۇعان دەيىن حابارلاعانداي، قايتا ۇيىمداستىرۋ ەكىنشى دەڭگەيدەگى بانكتەردىڭ قارجىلىق تۇراقتىلىعىن قامتاماسىز ەتۋ ماقساتىندا قايتالاناتىن فۋنكسيالاردى بىرىكتىرۋ ءۇشىن جۇرگىزىلدى. ەندى قولدانىستاعى جانە جوسپارلانىپ وتىرعان مەملەكەتتىك باعدارلامالار ءبىر وپەراتور – قازاقستاننىڭ ورنىقتىلىق قورىندا شوعىرلاناتىن بولادى. بىرىككەن كومپانيا:
- ەكىنشى دەڭگەيدەگى بانكتەردى قارجىلىق قولداۋ ارقىلى بانك سەكتورىنىڭ قارجىلىق تۇراقتىلىعىنا جاردەم كورسەتۋ؛
- «7-20-25» يپوتەكالىق تۇرعىن ءۇي باعدارلاماسىن ورىنداۋ بويىنشا جۇمىسىن جالعاستىرادى.
