Qazaqstan – tarihy men mádenieti bai memleket. Sondyqtan, mádeni murany qorǵaý – basty mindetterdiń biri. Búginde Qazaqstan IýNESKO konventsiialaryna qatysý arqyly elimiz óz mádeni nysandaryn uiym tizimderine engizip, álemdik qaýymdastyqqa tanytýda. Degenmen, bul jetistik tek maqtanysh emes, sondai-aq osy muralardy qorǵaý men saqtaý boiynsha naqty mindettemelerdi oryndaýdy talap etedi.
Osy maqsatta 2024 jylǵy tamyz aiynda QR Mádeniet jáne aqparat ministri Aida Balaevanyń tóraǵalyǵymen jumys toby quryldy. Bul toptyń mindeti – ortalyq jáne jergilikti atqarýshy organdardyń, IýNESKO jáne ISESKO isteri jónindegi QR Ulttyq komissiiasynyń músheleriniń, ǵalymdardyń, arheologtardyń, etnograftardyń jáne qoǵamdyq uiymdardyń ókilderiniń kúsh-jigerin úilestirý.
Bul strategiialyq bastama álemdik mura tizimine engen mańyzdy tarihi jáne sáýlet eskertkishterin saqtaýǵa ǵana emes, sondai-aq dástúrler, salt-joralar, til, mýzyka, qolóner siiaqty materialdyq emes mádeni mura elementterin jáne qujattyq muralardy qorǵaýǵa baǵyttalǵan. Bul elementter mádeni daralyqty qalyptastyrýda, ulttyq biregeilikti nyǵaitýda jáne qundylyqtardy bolashaq urpaqqa jetkizýde mańyzdy ról atqarady.
Aida Balaeva barlyq múddeli qurylymdardyń júieli ári úilesimdi jumys isteýi qajettigin erekshe atap ótti. Ministr qoiylǵan mindetterdi oryndaý jáne konventsiianyń talaptaryn tiimdi júzege asyrý úshin kúsh-jigerdi biriktirýdiń mańyzdylyǵyna nazar aýdardy.
Búginge deiin jumys tobynyń eki otyrysy ótti. Onda qatysýshylar mádeni murany qorǵaý jáne saqtaý boiynsha negizgi baǵyttardy anyqtady.
2024 jylǵy 30 qarashada Almaty qalasynda ótken otyrysta úsh kishi toptyń jumys josparlary tanystyryldy. Ár top mádeni murany qorǵaý jáne nasihattaý salasyndaǵy naqty aspektilerge baǵyttalǵan.
Usynylǵan jumys josparlary arasynda materialdyq jáne materialdyq emes mádeni murany qorǵaý jáne nasihattaý, IýNESKO-nyń «Álem jady» baǵdarlamasy aiasynda qujattyq murany saqtaý sekildi negizgi baǵyttar aiqyndaldy.
Bul josparlarda mamandardyń biliktiligin arttyrý boiynsha sharalar qamtylǵan. Onyń ishinde materialdyq emes mádeni murany anyqtaý jáne damytý ádisterin oqytýǵa arnalǵan oqý modýlderin ázirleý men iske asyrý qarastyrylǵan. Ministr oqý mazmunynyń paidaly ári tájiribege baǵyttalǵan bolýy tiis ekenin atap ótti.
Sondai-aq jumys toby materialdyq jáne materialdyq emes mura nysandaryn túgendeý, qolda bar derekterdi tsifrlandyrý, mádeni murany halyqaralyq jáne jergilikti deńgeide nasihattaý strategiiasyn ázirleý, sondai-aq jańa nysandar men elementterdi IýNESKO tizimine engizý qajettigin aitty.
IýNESKO qorǵaýyndaǵy nysandardy tiimdi basqarý jáne qorǵaý ádisterin ázirleýge airyqsha mán berildi. Jergilikti bilik organdary men qoǵamdyq uiymdardy mádeni murany qorǵaý jáne nasihattaý is-sharalaryna belsendi tartý, sondai-aq halyqtyń mádeni muranyń mańyzdylyǵy týraly habardarlyǵyn arttyrý úshin turaqty is-sharalar men aqparattyq naýqandar uiymdastyrý josparlanǵan.
Jalpy, jumys toptarynyń jetekshileri usynǵan josparlar materialdyq, materialdyq emes jáne qujattyq murany saqtap, nasihattaýǵa baǵyttalǵan aýqymdy sharalardy qamtidy. Mádeniet jáne aqparat ministrligi bul bastamalardy qolǵa alatyn bolady. Atalǵan sharalar Qazaqstannyń mádeni murasyn qorǵaý men damytý isin jańa deńgeige kóterýi tiis.
