Indeksi 2024 jyldyń jeltoqsan aiynda 50,7 quraǵan elimizdegi iskerlik belsendilik deńgeii aitarlyqtai tómendedi. Buǵan, negizinen, óndiris (50,6) pen qyzmet kórsetý sektoryndaǵy (50,8-ge deiin), sondai-aq taý-ken salasy (48,8-ge deiin) indeksteriniń tómendeýi sebep ekeni naqtylanady, dep jazady Dalanews.kz.
Bul týraly 2025 jyly 5 qańtarda Ulttyq bank jariialaǵan zertteýde aitylady.
Oǵan sáikes, kórsetkishtiń ósýi tek qurylys salasynda ǵana oryn aldy. Ondaǵy indeks qarasha aiyndaǵy 50,5-ten jeltoqsanda 52,9-ǵa deiin kóterildi. Qurylysta jańa tapsyrystar men jumyspen qamtý deńgeii aitarlyqtai ósti, al taý-ken ónerkásibinde, kerisinshe barlyq komponentter tómendedi.
11 óńirde iskerlik belsendilik jaqsaryp, 9 óńirde nasharlady. Indekstiń eń joǵarǵy máni Jetisý oblysynda (57,5), eń tómengi máni Abai oblysynda (35,7) tirkeldi.
"Jeltoqsan aiynda biznesti júrgizýdiń aǵymdaǵy jaǵdaiyn baǵalaý nasharlaǵanymen, oń aimaqta qaldy. Al bolashaq biznes jaǵdailaryna qatysty optimizm ózgergen joq. Nátijesinde biznes-klimat indeksi tómendep, 11,6 qurady", delinedi Ulttyq bank zertteýinde.
Kásiporyndardyń baǵalaýy boiynsha, olardyń ónimine/qyzmetine suranys báseńdegen. Jeltoqsan aiynda qurylystan basqa barlyq salada suranystyń ósý qarqyny baiaýlady.
"Taý-ken ónerkásibinde ótken aimen salystyrǵanda suranystyń azdap tómendeýi baiqaldy. Respondentter infraqurylymnyń ózgerýin azyn-aýlaq oń baǵalasa, qalǵan faktorlardy (biznesti qorǵaý máseleleri, salyq júktemesi jáne qarjyǵa/nesiege qoljetimdilik) teris baǵalady. 2024 jyldyń jeltoqsan aiynda biznes-tsikl "saǵatynyń" kórsetkishi ósý aimaǵynda qaldy. Qazirgi biznes ahýaldy baǵalaý kórsetkishi aitarlyqtai tómendep, 2,8 qurady. Aldaǵy 6 ai boiynsha keleshek biznes-ahýal baǵasy ózgerissiz qaldy (20,8)", delingen zertteýde.
