يندەكسٸ 2024 جىلدىڭ جەلتوقسان ايىندا 50,7 قۇراعان ەلٸمٸزدەگٸ ٸسكەرلٸك بەلسەندٸلٸك دەڭگەيٸ ايتارلىقتاي تٶمەندەدٸ. بۇعان, نەگٸزٸنەن, ٶندٸرٸس (50,6) پەن قىزمەت كٶرسەتۋ سەكتورىنداعى (50,8-گە دەيٸن), سونداي-اق تاۋ-كەن سالاسى (48,8-گە دەيٸن) يندەكستەرٸنٸڭ تٶمەندەۋٸ سەبەپ ەكەنٸ ناقتىلانادى, دەپ جازادى Dalanews.kz.
بۇل تۋرالى 2025 جىلى 5 قاڭتاردا ۇلتتىق بانك جارييالاعان زەرتتەۋدە ايتىلادى.
وعان سەيكەس, كٶرسەتكٸشتٸڭ ٶسۋٸ تەك قۇرىلىس سالاسىندا عانا ورىن الدى. ونداعى يندەكس قاراشا ايىنداعى 50,5-تەن جەلتوقساندا 52,9-عا دەيٸن كٶتەرٸلدٸ. قۇرىلىستا جاڭا تاپسىرىستار مەن جۇمىسپەن قامتۋ دەڭگەيٸ ايتارلىقتاي ٶستٸ, ال تاۋ-كەن ٶنەركەسٸبٸندە, كەرٸسٸنشە بارلىق كومپونەنتتەر تٶمەندەدٸ.
11 ٶڭٸردە ٸسكەرلٸك بەلسەندٸلٸك جاقسارىپ, 9 ٶڭٸردە ناشارلادى. يندەكستٸڭ ەڭ جوعارعى مەنٸ جەتٸسۋ وبلىسىندا (57,5), ەڭ تٶمەنگٸ مەنٸ اباي وبلىسىندا (35,7) تٸركەلدٸ.
"جەلتوقسان ايىندا بيزنەستٸ جٷرگٸزۋدٸڭ اعىمداعى جاعدايىن باعالاۋ ناشارلاعانىمەن, وڭ ايماقتا قالدى. ال بولاشاق بيزنەس جاعدايلارىنا قاتىستى وپتيميزم ٶزگەرگەن جوق. نەتيجەسٸندە بيزنەس-كليمات يندەكسٸ تٶمەندەپ, 11,6 قۇرادى", دەلٸنەدٸ ۇلتتىق بانك زەرتتەۋٸندە.
كەسٸپورىنداردىڭ باعالاۋى بويىنشا, ولاردىڭ ٶنٸمٸنە/قىزمەتٸنە سۇرانىس بەسەڭدەگەن. جەلتوقسان ايىندا قۇرىلىستان باسقا بارلىق سالادا سۇرانىستىڭ ٶسۋ قارقىنى باياۋلادى.
"تاۋ-كەن ٶنەركەسٸبٸندە ٶتكەن ايمەن سالىستىرعاندا سۇرانىستىڭ ازداپ تٶمەندەۋٸ بايقالدى. رەسپوندەنتتەر ينفراقۇرىلىمنىڭ ٶزگەرۋٸن ازىن-اۋلاق وڭ باعالاسا, قالعان فاكتورلاردى (بيزنەستٸ قورعاۋ مەسەلەلەرٸ, سالىق جٷكتەمەسٸ جەنە قارجىعا/نەسيەگە قولجەتٸمدٸلٸك) تەرٸس باعالادى. 2024 جىلدىڭ جەلتوقسان ايىندا بيزنەس-تسيكل "ساعاتىنىڭ" كٶرسەتكٸشٸ ٶسۋ ايماعىندا قالدى. قازٸرگٸ بيزنەس احۋالدى باعالاۋ كٶرسەتكٸشٸ ايتارلىقتاي تٶمەندەپ, 2,8 قۇرادى. الداعى 6 اي بويىنشا كەلەشەك بيزنەس-احۋال باعاسى ٶزگەرٸسسٸز قالدى (20,8)", دەلٸنگەن زەرتتەۋدە.
