Tashkenttiń tórinde saýdalanǵan dári-dármekterdi el azamattary tegin alýy kerek bolǵan. Biraq dáriler kórshi eldiń astanasyndaǵy dárihanalaryn jiberilip otyrǵan.
Búginde zań oryndary halyqqa tegin berilýi tiis dárilerdiń kórshe elge ótip ketýine Túrkistan, Jambyl, Qyzylorda oblystary men Shymkent qalasyndaǵy meditsina mekemeleri kináli ekenin aitýda.
Óitkeni zań oryndary Tashkentte saýdalanǵan dári-dármekterdiń bári atalǵan mekemelerge tiesili ekenin anyqtapty.
Teksreý barysynda kórshi elde Qazaqstannyń basqa da dárilik zattary saýdalanǵanyna kóz jetkizgen.
Aitpaqshy, prokýartýra ókilderi bul kontrobandalyq áreketke bir medbikeniń qatysy bar ekenin anyqtapty. Ol kórshi elge «Fraksiparin» degen dárini ótkizipti. Óz kezeginde Shymkent qalasy prokýrornyń orynbasary Bahtiiar Muhamedjanov bylai dedi:
– «Fraksiparin» dep atalytyn preparatty kórshi elge saýdalaǵan medbike 835 myń teńge tólep, keltirgen shyǵynnyń ornyna toltyrdy. Sol sebepti 2019 jyldyń qyrkúiek aiynda oǵan qarsy ashylǵan is toqtatylǵan. Qalǵan materialdardy memlekettik ishki aýdit mekemesi tekserip jatyr, – dedi.
Bir jyldan beri as ishektei shubatylǵan iske qashan núkte qoiylatyny ázirshe belgisiz. Aita ketýimiz kerek, qant diabetimen aýratyndarǵa arnalǵan dáriler Tashkentte naryqtaǵa baǵadan birshama tómen saýdalanypty.
