Osydan týra 70 jyl buryn, ıaǵnı, 1949 jyly 29 qazan kúni «Úlbi metalýrgıa zaýtynda» sırek kezdesetin torıa metalynyń alǵashqy partıasy shyǵarǵan bolatyn. Osy tabysty jumystan keıin óndiris oshaǵy berılıı men tantal óndirý isin jolǵa qoıǵanyn tarıhtan bilemiz.
Qazirgi tańda zaýyt berılı, tantal jáne ýran óndirýde dúnıejúzindegi jetekshi kásiporyndardyń biri bolyp sanalady.
Kásiporyn «Qazatomónerkásip» Ulttyq kompanıasynyń quramynda tabysty jumys istep keledi. Zaýyt búginde Amerıka, Eýropa, Reseı, Japonıa jáne Qytaıdaǵy áriptes kásiporyndarmen tyǵyz qarym-qatynas ornatyp, Qazaqstannyń óndiristik áleýetin álemge tanytýda.
«Úlbi metalýrgıa zaýyty» qurylǵan kúninen bastap óndiris oshaǵynda jumys isteıtin bilikti mamandar shoǵyryn qalyptastyrýǵa basa mán berip keledi. Búginde zaýytta birneshe býyn almasyp, ákeli-balaly adamdardy jumys isteıdi. Zaýyttyń 70 jyldyq tarıhynda 28 otbasylyq áýlettiń azamattary ózderiniń taǵdyryn osy óndiris oshaǵymen baılanystyryp, sanaly ǵumyryn Qazaqstannyń metalýrgıa salasyn damytýǵa arnaǵanyn baıqaýǵa bolady.
Olardyń qatyrynda Zenkov, Ábýbákirov, Sýshkov, Tatarınov, Klımov, Jılın, Kolmagorovtar áýleti aýyzǵa aldymen iligedi. Saltanatty jıyn barysynda Shyǵys Qazaqstan oblysy ákimi Danıal Ahmetov zaýyt qyzmetkerlerine quttyqtap, júrekjardy tilegin arnady.
– Qazaqstandaǵy óndiris oshaqtarynyń arasynda oıyp turyp oryn alatyn zaýyt Qazaqstannyń atom salasyn joǵary deńgeıde damytqanymen erekshelenedi. Sonymen qatar zaýyt Shyǵys Qazaqstan oblysyndaǵy ǵylymı-tehnıkalyq áleýettiń qaryshtap damýyna septigin tıgizdi.
Qazirgi tańda «Úlbi metalýrgıa zaýyty» álemdik naryqty jetekshi orynǵa ıe bolyp, óziniń pozısıasyn kún saıyn nyǵaıtyp keledi. Nátıjeli jumys pen bıik belseterdi baǵyndyrýda zaýytta qyzmet atqaratyn jumysker-sheberler men ınjener-ǵalymdardyń eńbegi zor dep bilemin.
Bizder osy óndiris oshaǵynyń qabyrǵasynda jumys istep, álemdi aýzyna qaratqan ataqty ǵalymdarymyzben maqtanamyz. Olardyń eńbegi memlekettiń eń joǵarǵy marapattaryna laıyqty dep esepteımin. Bolashaqta zaýyttyń áleýeti, qalyptasqan dástúri, ardagerlerdiń is-tájirıbesi jáne jalyndy jastardyń kúsh-qaýaty álemdik naryqtaǵy «Úlbi metalýrgıa zaýtynyń» poısıasyn nyǵaıtýǵa barynsha yqpal etetine senimdimin, – dedi SHQO ákimi.
Budan keıin Danıal Ahmetov otandyq ónerkisip salasyna úlsheýsiz úles qosqan zaýyt qyzmetkerlerine «Maqtaý qaǵazy» men baǵaly syılyqtardy tabystady. Qazirgi tańda zaýyttyń bilikti mamandary jumys sapasyn joǵary deńgeıde ustap, óndiriske zamanaýı tehnologıalardy batyl eńgizýde. Bul rette Vasılıı Chebotarev, Valerıı Sıtnıkov, Kúlásh Toıǵambaeva, Jeńis Kármenov, Aleksandr Egel, Tımýr Aldajarov syndy azamattardyń esimderin ataýǵa bolady.
