Qorǵanys ministrligi Kenesary hannyń soǵys júrgizý tásilderin taldap, zerdeleýmen ainalysyp jatyr. Bul týraly Májilistegi kýlýarda Qorǵanys ministriniń tárbie jáne ideologiialyq jumystar jónindegi orynbasary Shaih-Hasan Jazyqbaev málimdedi, dep habarlaidy Dalanews.kz.
“Men Kenesary hannyń ómiri men áskeri taktikasymen jaqsy tanyspyn. Qazirgi tańda onyń soǵys júrgizý ádisterin zertteýdemiz. Alaida ár sarapshynyń bul másele boiynsha óz kózqarasy bar. Kenesary qazaq armiiasynyń simvolyna ainala ma, joq pa – ony ýaqyt kórsetedi. Sonymen qatar Saǵadat Nurmahambetov pen Baýyrjan Momyshulynyń áskeri strategiiasyn da zerttep jatyrmyz,” – dedi Jazyqbaev.
