Astanada transulttyq altyn kontrabandasy týraly is qaraldy, - dep habarlaidy Dalanews.kz.
Astana qalasynyń qylmystyq ister jónindegi mamandandyrylǵan aýdanaralyq sotynda sottalýshylar transulttyq uiymdasqan topty quryp, oǵan basshylyq etý, qatysý (QK 264-babynyń 1, 2-bólikteri), qylmystyq toptyń quramynda adamdar tobynyń aldyn ala sóz bailasýymen birneshe ret asa iri mólsherde deklaratsiialanbaǵan, ótkizýge tyiym salynǵan taýarlardy Eýraziialyq ekonomikalyq odaqtyń kedendik shekarasy arqyly ótkizý (QK 234-baby 2-bóliginiń, 1,4,5 ) tarmaqtary, 234-baby 3-bóliginiń 2) tarmaǵy) boiynsha J., R., B., A.-ǵa qatysty is qaraldy.
2016 jyly sottalýshylar J. men R. Qazaqstan Respýblikasynan Túrkiiaǵa baǵaly metal – altynnyń zańsyz ainalymy men tasymaldaý úshin transulttyq uiymdasqan topty quryp jáne oǵan basshylyq etkeni anyqtaldy.
Olar qylmystyq toptyń quramyna ózderiniń tanystary men týystaryn, onyń ishinde sottalýshy B.-ny tartqan.
Túrkiia Respýblikasyndaǵy transulttyq uiymdasqan toptyń basshysy qylmystyq topqa osy eldiń azamattaryn qosqan.
Top basshylary óz nietterin júzege asyrý úshin 2020 jyly baǵaly metal – altyndy tasymaldaý úshin Túrkiia azamaty A.-ny jetkizýshi retinde paidalanǵan.
Sottalýshylar kedendik shekara arqyly kedendik baqylaýdan tys ótkizýge tyiym salynǵan baǵaly metaldar – altyn men zergerlik buiymdardy birneshe ret zańsyz alyp ótip, kontarabandalyq tasymal jasaǵan.
Nátijesinde, 2017-2021 jyldar aralyǵynda 19 epizod boiynsha Qazaqstan Respýblikasynan Túrkiiaǵa zańsyz túrde jalpy quny 5 mlrd. teńgege jýyq baǵalanǵan salmaǵy 190 kg.-dan joǵary altyn tasymaldanǵan.
Sottalýshylardyń kinási kýálerdiń jaýaptarymen, saraptama qorytyndylarymen jáne is materialdaryndaǵy dáleldermen rastaldy.
Prokýror sottalýshylar J. men R.-ǵa 11 jyl, B.-ǵa 8 jyl, A.-ǵa 5 jyl merzimge bas bostandyǵynan aiyrý jazasyn taǵaiyndaýdy surady.
Sottalýshylar J., R. jáne B. kinásin moiyndamai, aqtaý úkimin shyǵarýdy surady. Sottalýshy A. kinásin ishinara moiyndady.
Sot úkimimen J. men R. QK-niń 264-babynyń 1-bóligi jáne 234-baby 3-bóliginiń 2) tarmaǵy boiynsha kináli dep tanylyp, olarǵa túpkilikti 11 jyl merzimge; B. QK-niń 264-babynyń 2-bóligi jáne 234-baby 3-bóliginiń 2) tarmaǵy boiynsha kináli dep tanylyp, túpkilikti 8 jyl merzimge; A. QK-niń 234-baby 2-bóliginiń 1,4,5 ) – tarmaqtary boiynsha kináli dep tanylyp, 1 jyl 6 ai merzimge bas bostandyǵynan aiyrý jazasy taǵaiyndaldy.
Úkim zańdy kúshine engen joq.
