استانادا ترانسۇلتتىق التىن كونترابانداسى تۋرالى ءىس قارالدى، - دەپ حابارلايدى Dalanews.kz.

استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا سوتتالۋشىلار ترانسۇلتتىق ۇيىمداسقان توپتى قۇرىپ، وعان باسشىلىق ەتۋ، قاتىسۋ (قك 264-بابىنىڭ 1، 2-بولىكتەرى)، قىلمىستىق توپتىڭ قۇرامىندا ادامدار توبىنىڭ الدىن الا ءسوز بايلاسۋىمەن بىرنەشە رەت اسا ءىرى مولشەردە دەكلاراسيالانباعان، وتكiزۋگە تىيىم سالىنعان تاۋارلاردى ەۋرازيالىق ەكونوميكالىق وداقتىڭ كەدەندiك شەكاراسى ارقىلى وتكiزۋ (قك 234-بابى 2-بولىگىنىڭ، 1،4،5 ) تارماقتارى، 234-بابى 3-بولىگىنىڭ 2) تارماعى) بويىنشا ج.، ر.، ب.، ا.-عا قاتىستى ءىس قارالدى.

2016 جىلى سوتتالۋشىلار ج. مەن ر. قازاقستان رەسپۋبليكاسىنان تۇركياعا باعالى مەتال – التىننىڭ زاڭسىز اينالىمى مەن تاسىمالداۋ ءۇشىن ترانسۇلتتىق ۇيىمداسقان توپتى قۇرىپ جانە وعان باسشىلىق ەتكەنى انىقتالدى.

ولار قىلمىستىق توپتىڭ قۇرامىنا وزدەرىنىڭ تانىستارى مەن تۋىستارىن، ونىڭ ىشىندە سوتتالۋشى ب.-نى تارتقان.

تۇركيا رەسپۋبليكاسىنداعى ترانسۇلتتىق ۇيىمداسقان توپتىڭ باسشىسى قىلمىستىق توپقا وسى ەلدىڭ ازاماتتارىن قوسقان.

توپ باسشىلارى ءوز نيەتتەرىن جۇزەگە اسىرۋ ءۇشىن 2020 جىلى باعالى مەتال – التىندى تاسىمالداۋ ءۇشىن تۇركيا ازاماتى ا.-نى جەتكىزۋشى رەتىندە پايدالانعان.

سوتتالۋشىلار كەدەندىك شەكارا ارقىلى كەدەندىك باقىلاۋدان تىس وتكىزۋگە تىيىم سالىنعان باعالى مەتالدار – التىن مەن زەرگەرلىك بۇيىمداردى بىرنەشە رەت زاڭسىز الىپ ءوتىپ، كونتاراباندالىق تاسىمال جاساعان.

ناتيجەسىندە، 2017-2021 جىلدار ارالىعىندا 19 ەپيزود بويىنشا قازاقستان رەسپۋبليكاسىنان تۇركياعا زاڭسىز تۇردە جالپى قۇنى 5 ملرد. تەڭگەگە جۋىق باعالانعان سالماعى 190 كگ.-دان جوعارى التىن تاسىمالدانعان.

سوتتالۋشىلاردىڭ كىناسى كۋالەردىڭ جاۋاپتارىمەن، ساراپتاما قورىتىندىلارىمەن جانە ءىس ماتەريالدارىنداعى دالەلدەرمەن راستالدى.

پروكۋرور سوتتالۋشىلار ج. مەن ر.-عا 11 جىل، ب.-عا 8 جىل، ا.-عا 5 جىل مەرزىمگە باس بوستاندىعىنان ايىرۋ جازاسىن تاعايىنداۋدى سۇرادى.

سوتتالۋشىلار ج.، ر. جانە ب. كىناسىن مويىنداماي، اقتاۋ ۇكىمىن شىعارۋدى سۇرادى. سوتتالۋشى ا. كىناسىن ءىشىنارا مويىندادى.

سوت ۇكىمىمەن ج. مەن ر. قك-نىڭ 264-بابىنىڭ 1-بولىگى جانە 234-بابى 3-بولىگىنىڭ 2) تارماعى بويىنشا كىنالى دەپ تانىلىپ، ولارعا تۇپكىلىكتى 11 جىل مەرزىمگە؛ ب. قك-نىڭ 264-بابىنىڭ 2-بولىگى جانە 234-بابى 3-بولىگىنىڭ 2) تارماعى بويىنشا كىنالى دەپ تانىلىپ، تۇپكىلىكتى 8 جىل مەرزىمگە؛ ا. قك-نىڭ 234-بابى 2-بولىگىنىڭ 1،4،5 ) – تارماقتارى بويىنشا كىنالى دەپ تانىلىپ، 1 جىل 6 اي مەرزىمگە باس بوستاندىعىنان ايىرۋ جازاسى تاعايىندالدى.

ۇكىم زاڭدى كۇشىنە ەنگەن جوق.