Qazaqstan Reseiden keletin adamdarǵa memlekettik shekaradaǵy sanitarlyq-karantindik baqylaý júrgizip jatyr, ázirge obaǵa kúdikti jaǵdailar anyqtalǵan joq, dep habarlaidy dalanews.kz.
Bul týraly Sanitariialyq-epidemiologiialyq baqylaý komiteti málimdedi.
Komitettiń habarlaýynsha, Qazaqstandaǵy epidemiologiialyq jaǵdai turaqty baqylaýda tur. Infektsiianyń taralýyn boldyrmaý maqsatynda aldyn alý sharalary qabyldanǵan.
Memlekettik shekaradaǵy ótkizý pýnktterinde sanitariialyq-karantindik baqylaý júrgiziledi. Onyń aiasynda elge kiretin adamdardyń densaýlyq jaǵdaiy baqylanady.
Komitet qazirgi ýaqytta oba aýrýyna shaldyqqan nemese aýrýǵa kúdikti belgileri bar adamdar anyqtalmaǵanyn málimdedi.
Qazaqstanda shekaradaǵy sanitariialyq-karantindik baqylaý halyqaralyq sanitariialyq talaptarǵa sáikes júrgiziledi. Memlekettik shekaradaǵy ótkizý pýnktterinde sanitariialyq-karantindik baqylaý bólimsheleri jumys isteidi.
Buǵan deiin Qazaqstannyń sanitariialyq-epidemiologiialyq qyzmeti memlekettik shekaradaǵy ótkizý pýnktteriniń qaýipti infektsiialardyń aldyn alý, anyqtaý jáne olarǵa jedel den qoiýǵa daiyndyǵyn baǵalaý jumystaryn júrgizip jatqanyn habarlaǵan.
