Qazaqstanda qyrkúiek aiynda 106 jemqorlyqqa qatysty quqyqbuzýshylyq anyqtaldy. Bul týraly Ulttyq qaýipsizdik komitetiniń Sybailas jemqorlyqqa qarsy qyzmeti málimdedi, dep habarlaidy dalanews.kz.
Vedomstvonyń málimetinshe, tirkelgen zań buzýshylyqtardyń basym bóligi para alý men para berý, memleket qarjysyn jymqyrý, alaiaqtyq jáne qyzmet babyn jeke maqsatqa paidalaný faktilerine qatysty. Tergeýi aiaqtalǵan ister boiynsha memleketke keltirilgen shyǵyn kólemi 3,7 mlrd teńgeni quraǵan.
UQK deregine sáikes, 93 adam kúdikti retinde tanylǵan. Qyrkúiekte 81 qylmystyq istiń tergeýi aiaqtalyp, onyń 78-i sotqa jiberilgen.
Sybailas jemqorlyqqa qarsy qyzmet bul baǵyttaǵy jumystar aldaǵy ýaqytta da jalǵasatynyn málimdedi.
