Vitse-prezident Erlan Qarin halyqaralyq kinojobanyń túsirilim tobymen kezdesti, dep habarlaidy dalanews.kz.
Memleket basshysynyń tapsyrmasy boiynsha vitse-prezident Erlan Qarin halyqaralyq kinojobanyń túsirilim toby múshelerimen kezdesti. Kezdesýge álemge áigili rejisser ári akter Djeki Chan, sondai-aq, sheteldik jáne qazaqstandyq prodiýserler Esmond Ren, Rústem Omarov, Igor Tsai jáne Orynbasar Qudaibergenov qatysty.
Kezdesý barysynda kinematografiia salasyndaǵy halyqaralyq yntymaqtastyqty damytý máseleleri, sondai-aq, birlesken kinojobalardy odan ári júzege asyrý múmkindikteri talqylanǵan.
Kezdesýde kino salasyndaǵy jańa tehnologiialardy damytý baǵytyna da erekshe nazar aýdarylǵan. Erlan Qarin Memleket basshysynyń sheshimimen jariialanǵan biylǵy Tsifrlandyrý jáne jasandy intellekt jylynda elordada Astana AI Film Festival ótkenin jetkizdi. Oǵan álemniń 125 elinen 8 myń ótinish tústi. Qatysýshylardyń aýqymy men geografiiasy jaǵynan bul festival AI-kinoǵa arnalǵan álemdegi eń iri is-shara retinde tanyldy.
Kezdesý sońynda Erlan Qarin Djeki Chanǵa Qazaqstanǵa degen airyqsha yqylasy úshin alǵys aityp, jobaǵa qatysýshylardyń aldaǵy shyǵarmashylyq jumysyna tabys tiledi.
Aita keteiik, "Dospehi Boga" filminiń tórtinshi bólimi Qazaqstanda túsirilip jatyr.
