Nigeriianyń ońtústik-batysyndaǵy Ondo shtatynda áskeri ushaq apatqa ushyrap, borttaǵy 25 jolaýshy men jeti ekipaj múshesiniń barlyǵy qaza tapty, dep habarlaidy dalanews.kz.
Oqiǵa 5 qazanda bolǵan. Nigeriia áskeri-áýe kúshteriniń ATR-42 ushaǵy Benin-Sitiden Lagosqa qarai josparly reispen ushqan. Aviatsiia ministri Festýs Keiama málimdegendei, áýe qozǵalysyn basqarý qyzmeti ushaqpen bailanysyn Grinvich ýaqyty boiynsha saǵat 08:13-te joǵaltqan.
Keiin ushaqtyń synyqtary Ondo shtatyndaǵy jaǵalaýda ornalasqan Igbokoda qalasynyń mańynan tabyldy. Apat orny áskeri-teńiz bazasyna jaqyn jerde ornalasqan. Izdeý-qutqarý jumystaryna tiisti qyzmetter jumyldyryldy.
Nigeriia prezidenti Bola Tinýbý apatta aman qalǵandar bolmaǵanyn rastady. Ol qaza tapqandardyń otbasylaryna kóńil aityp, ushaqtyń qulaý sebebin anyqtaý úshin Nigeriia áskeri-áýe kúshterine jan-jaqty tergeý júrgizýdi tapsyrdy.
Bilik ázirge apattyń naqty sebebin jariialaǵan joq. Oqiǵa Nigeriiadaǵy sońǵy jyldardaǵy eń aýyr aviatsiialyq apattardyń biri boldy.
