نيگەرييانىڭ وڭتٷستٸك-باتىسىنداعى وندو شتاتىندا ەسكەري ۇشاق اپاتقا ۇشىراپ, بورتتاعى 25 جولاۋشى مەن جەتٸ ەكيپاج مٷشەسٸنٸڭ بارلىعى قازا تاپتى, دەپ حابارلايدى dalanews.kz.
وقيعا 5 قازاندا بولعان. نيگەرييا ەسكەري-ەۋە كٷشتەرٸنٸڭ ATR-42 ۇشاعى بەنين-سيتيدەن لاگوسقا قاراي جوسپارلى رەيسپەن ۇشقان. اۆياتسييا مينيسترٸ فەستۋس كەياما مەلٸمدەگەندەي, ەۋە قوزعالىسىن باسقارۋ قىزمەتٸ ۇشاقپەن بايلانىسىن گرينۆيچ ۋاقىتى بويىنشا ساعات 08:13-تە جوعالتقان.
كەيٸن ۇشاقتىڭ سىنىقتارى وندو شتاتىنداعى جاعالاۋدا ورنالاسقان يگبوكودا قالاسىنىڭ ماڭىنان تابىلدى. اپات ورنى ەسكەري-تەڭٸز بازاسىنا جاقىن جەردە ورنالاسقان. ٸزدەۋ-قۇتقارۋ جۇمىستارىنا تيٸستٸ قىزمەتتەر جۇمىلدىرىلدى.
نيگەرييا پرەزيدەنتٸ بولا تينۋبۋ اپاتتا امان قالعاندار بولماعانىن راستادى. ول قازا تاپقانداردىڭ وتباسىلارىنا كٶڭٸل ايتىپ, ۇشاقتىڭ قۇلاۋ سەبەبٸن انىقتاۋ ٷشٸن نيگەرييا ەسكەري-ەۋە كٷشتەرٸنە جان-جاقتى تەرگەۋ جٷرگٸزۋدٸ تاپسىردى.
بيلٸك ەزٸرگە اپاتتىڭ ناقتى سەبەبٸن جارييالاعان جوق. وقيعا نيگەريياداعى سوڭعى جىلدارداعى ەڭ اۋىر اۆياتسييالىق اپاتتاردىڭ بٸرٸ بولدى.
