2025 jyly Qazaqstan bankteri elge 2,7 mlrd dollar qolma-qol valiýta importtaǵan, dep habarlaidy Dalanews.kz.
Rýchnaia ekonomika telegram arnasynyń málimetinshe, bul – keiingi bes jyldaǵy eń joǵary kórsetkishterdiń biri. Buǵan deiin rekord 2022 jyly tirkelip, sol kezde bankter 3,9 mlrd dollar ákelgen.
Byltyr dollar jetkizýdiń eń joǵary kólemi tórtinshi toqsanda baiqaldy. Dál osy kezeńde teńge baǵamy 500–550 teńge aralyǵynda qubylyp turdy. Osy ýaqytta bankter shamamen 1 mlrd dollar tasymaldaǵan.
Salystyrý úshin:
- 2024 jyly – 1,1 mlrd dollar,
- 2023 jyly – 1,7 mlrd dollar,
- 2022 jyly – 3,9 mlrd dollar ákelingen.
Sarapshylar muny bankterdiń ainalymdaǵy valiýtany jańartý úderisimen bailanystyrady. Buǵan deiin 2013 jylǵa deiin shyǵarylǵan eski úlgidegi dollarlardy bankter 1–5% komissiiamen qabyldap kelgeni belgili. Al Ulttyq bank tarapynan bul operatsiialar úshin nebári 0,3% komissiia alynǵan.
