Qazaqstandyq sportshy, paýerliftingshi Gýzal Ergesheva 8 tamyzda Angliiada qaitys boldy. Parasportshy sońǵy ýaqytta sol elde kúieýimen birge turǵan, dep habarlaidy dalanews.kz.
Qaraly habardy telejúrgizýshi Ádel Orazalinova, kópshilikke Adel Smit esimimen tanymal júrgizýshi jetkizdi. Onyń aitýynsha, olar sportshymen 30 jylǵa jýyq ýaqyt jaqyn dos bolǵan.
Ádel Orazalinovanyń sózinshe, Gýzal Ergeshevanyń túnde uiyqtap jatqan kezinde talmasy ustaǵan. Qaiǵyly jaǵdaidan bir kún buryn sportshy kúieýiniń týystarymen ýaqyt ótkizip, keiin dosymen kezdesken.
«Ol júregi mahabbatqa toly, súiikti, jarqyn, alǵa qoiǵan jospary kóp jáne dostyqqa adal jan edi», – dep jazdy Ádel Orazalinova.
Qazirgi ýaqytta marqumnyń otbasy onyń denesin Qazaqstanǵa jetkizý jumystaryn uiymdastyryp jatyr.
Ádel Orazalinova áleýmettik jeli arqyly Ulybritaniiadan máiitti elge qaitarý rásimine qatysty aqparat surap, sondai-aq Qazaqstan konsýldyǵynyń ókilderimen bailanysýǵa kómek qajet ekenin jetkizgen.
