قازاقستاندىق سپورتشى, پاۋەرليفتينگشٸ گۋزال ەرگەشەۆا 8 تامىزدا انگلييادا قايتىس بولدى. پاراسپورتشى سوڭعى ۋاقىتتا سول ەلدە كٷيەۋٸمەن بٸرگە تۇرعان, دەپ حابارلايدى dalanews.kz.
قارالى حاباردى تەلەجٷرگٸزۋشٸ ەدەل ورازالينوۆا, كٶپشٸلٸككە ادەل سميت ەسٸمٸمەن تانىمال جٷرگٸزۋشٸ جەتكٸزدٸ. ونىڭ ايتۋىنشا, ولار سپورتشىمەن 30 جىلعا جۋىق ۋاقىت جاقىن دوس بولعان.
ەدەل ورازالينوۆانىڭ سٶزٸنشە, گۋزال ەرگەشەۆانىڭ تٷندە ۇيىقتاپ جاتقان كەزٸندە تالماسى ۇستاعان. قايعىلى جاعدايدان بٸر كٷن بۇرىن سپورتشى كٷيەۋٸنٸڭ تۋىستارىمەن ۋاقىت ٶتكٸزٸپ, كەيٸن دوسىمەن كەزدەسكەن.
«ول جٷرەگٸ ماحابباتقا تولى, سٷيٸكتٸ, جارقىن, العا قويعان جوسپارى كٶپ جەنە دوستىققا ادال جان ەدٸ», – دەپ جازدى ەدەل ورازالينوۆا.
قازٸرگٸ ۋاقىتتا مارقۇمنىڭ وتباسى ونىڭ دەنەسٸن قازاقستانعا جەتكٸزۋ جۇمىستارىن ۇيىمداستىرىپ جاتىر.
ەدەل ورازالينوۆا ەلەۋمەتتٸك جەلٸ ارقىلى ۇلىبريتانييادان مەيٸتتٸ ەلگە قايتارۋ رەسٸمٸنە قاتىستى اقپارات سۇراپ, سونداي-اق قازاقستان كونسۋلدىعىنىڭ ٶكٸلدەرٸمەن بايلانىسۋعا كٶمەك قاجەت ەكەنٸن جەتكٸزگەن.
