«Nege biz óz azamattarymyzǵa jerdi jalǵa berýdi talqylaǵanda shekaradan alshaq bolý máselesin qoiyp otyrmyz? Menińshe, bul máseleni múldem alyp tastaý qajet. Máselen, bizdiń shekaramyzda myńdaǵan kilometrde eshkim joq. Shekarada eshkim joq. Sol shekarany baryp, qaita igerý kerek. Sol shekarada biz eldi mekenderdi qurýymyz qajet. Sol jerdi igerýimiz kerek. Sol sebepti kún tártibine engen bul másele durys bolmaǵan siiaqty. Bul sheteldikter emes, óz azamattarymyz ǵoi. Kerisinshe, olarǵa shekara mańynan aýyl sharýashylyǵy jerlerin jalǵa berý kerek», - dep atap kórsetti senator.
Aita keteiik, otyrys barysynda komissiia shtaby qazaqstandyqtarǵa jerdi jalǵa berý máselesi boiynsha naqty usynystardy talqyǵa saldy. Sonyń aiasynda Jer kodeksiniń bir babyna ózgerister engizý kózdelgen. Osyǵan qatisty saiasattanýshy Dos Kóshim de ózi basqaratyn toptyń usynystaryn jariialady. Onyń oiynsha, barlyq aýyldyq okrýgtardan bir-bir adam komissiianyń múshesi bolýy qajet. Al komissiianyń jumysyn prokýror baqylaý otyrýy shart.
Arman ASQAROV
