Qazaqstandyqtardyń tabysy azaıa bastady, - dep habarlaıdy Dalanews.kz.
Ulttyq statısıka búrosynyń sońǵy esebi boıynsha, úshinshi toqsanda ortasha jalaqy 390 myń teńge boldy. Bul úsh aı burynǵymen salystyrǵanda 13 myń teńgege az (403 251 tg).
Ortasha jalaqy Atyraý (6,1) men Qostanaı (0,2) óńirlerinde ósken. Túrkistan oblysynda 17,8 paıyzǵa tómendegen. Jambyl men Qyzylorda óńirlerinde de 13,4-10 paıyzǵa azaıǵan.
Eń joǵary ortasha jalaqy Atyraý oblysynda – 630 894 teńge.
Eń az ortasha jalaqy Jetisý oblysynda – 280 464 teńge.
Eske salaıyq, buǵan deıin Qarjy mınstri Mádı Takıev jáne Ulttyq ekonomıka mınıstri Nurlan Baıbazarov Qazaqstanda jalaqy nege az ekenin túsindirgen bolatyn.
Mınıstr búgingi tańda 100-150 myń aralyǵyndaǵy jalaqyny qazaqstandyqtardyń 35 paıyzy alatynyn aıtty.
"300-600 myń aralyǵynda 36 paıyzy alady. Búgingi tańda ekonomıkanyń kórinisi sondaı. Jalpy kóp kómek berilip jatyr. 2-3 jyldyń ishinde muǵalimder, dárigerlerdiń jalaqysy kóterildi. Áli de kóbeıedi dep senemiz. Odan basqa eń tómengi jalaqy 85 myń teńge", - deıdi Takıev.
Al Ulttyq ekonomıka mınıstri Nurlan Baıbazarov ekonomıkalyq sektordaǵy jalaqy óndiristiń ónimdiligine baılanysty ekenin aıtady.
"Jalaqy bir orynda turǵan joq. Kásiporyndar tabysy artqan saıyn qyzmetkerlerdiń jalaqysyn kóterýge tyrysady. Ekinshi jaǵynan memlekettik qoldaý sharalary kezinde qoıylatyn talap - qyzmetkerleriniń jalaqysyn kóterip qoıýy qajet. Eger búdjet salasy jaıly aıtar bolsaq, ózderińizge belgili, keıingi jyldary búdjet esebinen memlekettik, azamattyq qyzmetkerlerge jalaqyny kóterý jumystary júrgizildi. Áli de júrgizilip jatyr. Sondyqtan búdjettiń múmkindiginshe halyqtyń ál-aýqatyn kóterý úshin jumysty jalǵastyramyz", - deıdi Baıbazarov.
