2025 jyldyń I toqsanynda qazaqstandyqtardyń densaýlyq saqtaý qyzmetterine jumsaǵan shyǵyny rekordtyq deńgeige jetti, dep habarlaidy Dalanews.kz.
Bul týraly DATA HUB telegram arnasy málimdedi.
Derekkóz málimetinshe, QR Strategiialyq josparlaý jáne reformalar agenttigine qarasty Ulttyq statistika biýrosy júrgizgen saýalnama nátijeleri boiynsha, halyqtyń atalmysh salaǵa jumsaǵan jan basyna shaqqandaǵy ortasha shyǵyny bir jylda 28,3%-ǵa artyp, 3,6 myń teńgeden 4,6 myń teńgege jetken.
"Bul – jalpy aqshalai shyǵyndardyń ósiminen úsh ese kóp jáne sońǵy eki jyldaǵy eń joǵary kórsetkish", – delingen resmi túsiniktemede.
Stomatologiia – eń qymbat qyzmet
Densaýlyq saqtaý qyzmetteri ishindegi eń iri shyǵyn kategoriiasy – stomatologiialyq qyzmetter. Oǵan jumsalatyn ortasha shyǵyn 2,4 myń teńgeni quraǵan. Bul – infliatsiiany esepke almaǵandaǵy 26%, al naqty ósimi – 11,8%.
Biýro túsindirýinshe, kórsetkishter az bolyp kórinýi múmkin, sebebi bul esep jalpy halyq boiynsha júrgiziledi jáne esep berý kezeńinde árbir azamat meditsinalyq kómekke júginbegen. Zertteý deregi 12 myń úi sharýashylyǵynan jinalǵan aqparatqa negizdelgen.
Aýrýhana qyzmetteri kúrt qymbattady
Azamattardyń shyǵyny eń jyldam ósken sala – aýrýhanalyq qyzmetter. Onyń ishinde kúndizgi statsionar men shipajai qyzmetteri bar. Bul baǵyttaǵy ortasha jan basyna shaqqandaǵy shyǵyn – 946 teńge. Nominaldy ósim – 54,1%, al naqty ósim – 39,8%.
Medqyzmet pen diagnostikada da ósim bar
Dárigerdiń alǵashqy qabyldaýy men jalpy meditsinalyq qyzmetterge ketetin shyǵyn infliatsiiany eskermegende 5,7%-ǵa ósip, 559 teńgege jetken. Alaida naqty mánde bul kórsetkish 5,1%-ǵa tómendegen.
Al parameditsinalyq qyzmetterge (meditsinalyq zerthanalar, rentgen, medbike, akýsherlik qyzmetter) ketken shyǵyn birden 27,6%-ǵa ósip, 568 teńgege jetti. Bul naqty mánde de 11,2% ósim kórsetip otyr.
"Beiresmi shyǵyndar" da tirkelgen
Resmi statistikada azamattardyń beiresmi meditsinalyq shyǵyndary da esepke alynǵan. Oǵan mysaly, dárigerge gúl men syilyq satyp alý sekildi shyǵyndar kiredi. Bul baǵytta jan basyna shaqqandaǵy ortasha shyǵyn – 121 teńge. Bir jyldaǵy ósim – 39,1%.
2025 jylǵy I toqsanda qazaqstandyqtardyń jan basyna shaqqandaǵy ortasha tabysy 350,4 myń teńgege jetken. Bul – infliatsiiany eseptemegende 10,1% ósim. Al naqty tabys deńgeii bir jylda nebári 0,7%-ǵa ósken.
