2025 jyldyń qorytyndysy boiynsha «Lýkoildyń» sheteldegi aktivterinen aiyrylýy jáne olardyń qunsyzdanýy saldarynan kelgen shyǵyny 1,667 trln rýbl boldy. Bul týraly kompaniianyń qarjylyq esebinde aitylǵan, dep habarlaidy Dalanews.kz.
Kompaniia sanktsiialar kesirinen májbúrli túrde satylǵan Lukoil International sheteldik bólimshesindegi investitsiialaryn tolyq esepten shyǵarǵan.
2025 jyldy reseilik munai alyby 1,059 trln rýbl kólemindegi taza shyǵynmen aiaqtady. Jalǵasyp jatqan qyzmetten túsken taza paida bir jyl ishinde segiz eseden astam tómendep, 96,652 mlrd rýbl bolǵan. Al bir jyl buryn bul kórsetkish 794,4 mlrd rýbl edi. Operatsiialyq paida da eki ese qysqaryp, 1,067 trln rýblden 526,6 mlrd rýblge deiin azaiǵan.
«Lýkoil» sheteldegi aktivterine satyp alýshyny qazan aiynyń sońynan bastap izdei bastaǵan. Dál sol kezde kompaniia AQSh-tyń sanktsiialyq tizimine engen edi. Bul aktivterdi munai treideri Gunvor satyp almaq bolǵan, alaida mámile iske aspady. Oǵan AQSh tarapy kedergi keltirgen. Eldiń Qarjy ministrligi kompaniiany «Kremldiń qýyrshaǵy» dep ataǵan.
Qańtar aiynda «Lýkoil» amerikalyq Carlyle investitsiialyq kompaniiasymen aldyn ala satý kelisimin jasaǵanyn málimdedi. Alaida bul mámilege AQSh Qarjy ministrliginiń Sheteldik aktivterdi baqylaý basqarmasy (OFAC) ruqsat berýi kerek.
Soǵan qaramastan, «Lýkoil» basqa da yqtimal satyp alýshylarmen kelissózdi jalǵastyrǵan. Reuters málimetinshe, olardyń qatarynda Chevron da bolǵan.
