Halyqaralyq MediaNet jýrnalistika ortalyǵy janyndaǵy DEMOSCOPE júrgizgen saýalnama nátijesi boiynsha, qazaqstandyqtardyń basym bóligi salyq reformasynan keiin shyǵyndarynyń óskenin málimdegen, dep habarlaidy Dalanews.kz.
Zertteý 5–15 aqpan aralyǵynda júrgizilgen. Nátijesinde respondentterdiń 77,6 paiyzy 2026 jyldyń qańtarynan bastap kúndelikti shyǵyndary artqanyn aitqan. Onyń ishinde 54,4 paiyzy shyǵyndardyń edáýir kóbeigenin atap ótse, 23,2 paiyzy shyǵyn azdap óskenin kórsetken.
Baǵanyń ósýine bailanysty kóptegen azamattar únemdeýge kóshken. Eń aldymen adamdar azyq-túlikke, kiim-keshekke, saparlarǵa, kafe men oiyn-saýyqqa jumsalatyn qarajatty qysqartyp jatyr.
Saýalnamaǵa qatysýshylardyń aitýynsha, basty másele – taýarlar men qyzmetterdiń qymbattaýy. Sonymen qatar kóptegen azamat qarjylyq turaqtylyǵy úshin alańdaitynyn bildirgen.
