Aqmola oblysynda politsiia qyzmetkerleri qazaqstandyqtardyń atyna jalǵan jolmen iri kólemde nesie rásimdegen qylmystyq top múshelerin ustady, dep habarlaidy Dalanews.kz.
26 qarashada Aqmola oblysy politsiiasynyń uiymdasqan qylmysqa qarsy kúres basqarmasy Kókshetaý men Almaty qalalarynda arnaiy operatsiia ótkizip, qylmystyq toptyń bes múshesin ustady. Olar birneshe ai boiy bankterdiń filialdarynda aýyl turǵyndarynyń atyna jalǵan nesie rásimdep otyrǵan.
«Top músheleri azamattardyń senimine kirip, ońai aqsha tabý múmkindigin usynyp, olardy Almaty qalasyna aparyp, jalǵan syltaýmen ustap otyrǵan. Qazirgi ýaqytta jeti adam zardap shekkender retinde tanyldy, biraq politsiia qyzmetkerleri qurbandar sany áli de artýy múmkin ekenin aitady», – dep habarlady vedomstvo.
Operatsiia barysynda quqyq qorǵaý organdary aqsha, travmatikalyq jáne sýyq qarýlardy, mobildi qurylǵylardy, fleshkartalardy jáne bank kelisimsharttaryn tárkiledi.
«Qylmystyq topqa qatysty «Uiymdasqan top quramynda jasalǵan alaiaqtyq» baby boiynsha sotqa deiingi tergeý amaldary júrgizip jatyr. Qazirgi ýaqytta kúdiktiler ýaqytsha ustaý izoliatoryna qamaldy. Politsiia qurbandardyń naqty sanyn jáne keltirilgen jalpy materialdyq shyǵyn mólsherin anyqtaidy», — delingen habarlamada.
Politsiia turǵyndardy qarjylyq máselelerde saq bolýǵa, jeke derekterin bóten adamdarǵa bermeýge jáne kez kelgen kúmándi usynystardan bas tartýǵa shaqyrady.
