Qarjylyq monitoring agenttigi (QMA) aqparattyq keńistikte zańǵa qaishy kontenttiń bar-joǵyn tekserý erejelerin ázirledi. Quqyq buzýshylarǵa kontentti buǵattaý, ákimshilik nemese qylmystyq jaýapkershilik qarastyrylýy múmkin, dep habarlaidy Dalanews.kz.
Tiisti buiryq jobasy «Ashyq NQA» portalynda jariialandy. Qujatqa sáikes, QMA óz quzyreti sheńberinde aqparattyq keńistikti tekserip, zańǵa qaishy kontentti anyqtaidy.
Neni tekseredi?
Tekserý barysynda ashyq derekkózderde jariialanǵan aqparat taldanady. Atap aitqanda:
– internet-resýrstar;
– áleýmettik jeliler;
– messendjerler;
– buqaralyq aqparat quraldary;
– ózge de aqparattyq-kommýnikatsiialyq platformalar.
Sonymen qatar agenttik monitoring jeke derekter jáne olardy qorǵaý týraly zań talaptaryn saqtai otyryp júrgiziletinin málimdedi.
Eger zańǵa qaishy kontent anyqtalsa, QMA mynadai sharalar qabyldaidy:
– eger qylmystyq quqyq buzýshylyq belgileri bolsa - is qylmystyq-protsestik zańnamaǵa sáikes qaralady;
– eger qylmystyq quqyq buzýshylyq belgileri bolmasa - materialdar ákimshilik jaýapkershilikke tartý úshin tiisti organdarǵa joldanady;
– eger telekommýnikatsiia jelilerinde Qazaqstan zańdarymen nemese kúshine engen sot sheshimderimen tyiym salynǵan ne shektelgen materialdar anyqtalsa, olardy buǵattaý úshin mass-media salasyndaǵy ýákiletti organǵa aqparattyq júie arqyly habarlama jiberiledi.
Mundai habarlama joldanǵanda Qarjylyq monitoring agenttigi aqparattyq júiede barlyq derekterdi tolyq kórsetýge mindetti. Onyń ishinde:
– engizilgen málimetterdiń zańdylyǵy men negizdemesi;
– zańǵa qaishy materialdardy rastaityn skrinshottar.
«Ashyq NQA» portalynda jariialanǵan buiryq jobasynda bul erejeler ótken jyly Parlament qabyldaǵan quqyq buzýshylyqtardyń aldyn alý týraly zań aiasynda ázirlengeni aitylǵan.
Zań jobasy Májiliste qaralǵan kezde zańǵa qaishy kontentti ornalastyrǵany jáne taratqany úshin ákimshilik jaýapkershilik engizý máselesi kóterilgen. Onlain-platformalar jáne onlain-jarnama týraly zańǵa sáikes, zańǵa qaishy kontentke mynadai úgit-nasihat nemese shaqyrýlar jatady:
– konstitýtsiialyq qurylysty kúshpen ózgertýge, Qazaqstan Respýblikasynyń tutastyǵyn buzýǵa shaqyrý;
– memlekettiń qaýipsizdigin álsiretý;
– soǵysqa shaqyrý;
– áleýmettik, násildik, ulttyq, dini, taptyq jáne rýlyq artyqshylyqty nasihattaý;
– qatygezdik pen zorlyq-zombylyqty, sýitsidti, pornografiiany, esirtki quraldaryn, psihotroptyq zattardy, olardyń analogtary men prekýrsorlaryn nasihattaý;
– separatizm, alaiaqtyq ideialaryn taratý, ultaralyq jáne konfessiiaaralyq kelisimdi buzýǵa yqpal etetin aqparat.
Sonymen qatar Qazaqstannyń memlekettik táýelsizdigi men aýmaqtyq tutastyǵyna kúmán keltiretin málimdemeler, memlekettik qupiiany nemese zańmen qorǵalatyn ózge de qupiialardy ashatyn aqparat jáne zańdarmen tyiym salynǵan basqa da málimetter zańǵa qaishy kontentke jatady.
Zań jobasy Parlamentke túskennen keiin áleýmettik jelilerde tyiym salynǵan kontentti jariialaǵany úshin ǵana emes, ony repost jasaǵany úshin de jaýapkershilik qarastyrylýy múmkin degen pikirler tarady.
