Ótken jyldyń jeltoqsan aiynan bastap Qazaqstanda Qazaqstandyq taýar óndirýshilerdiń tizilimi jumys istep keledi. Bul júie ónimniń otandyq shyǵý tegin rastaý maqsatynda qurylǵan jáne kompaniialardyń memlekettik satyp alýlarǵa qatysýy barysynda qoldanylady, dep habarlaidy Dalanews.kz
Tizilim el aýmaǵynda óndiristik qyzmetti júzege asyratyn kásiporyndar týraly málimetter jinaqtalatyn memlekettik aqparattyq júie bolyp tabylady. Tizilim derekteri taýarlardyń qazaqstandyq shyǵý tegin rastaý kezinde ST KZ sertifikaty men indýstriialyq sertifikattyń ornyna qoldanylady.
Biznestiń qatysý tájiribesi
Tizilimge alǵashqylardyń biri bolyp turmystyq tehnika óndiretin «Silk Road Electronics» jaýapkershiligi shekteýli seriktestigi engizildi. Kompaniianyń málimetinshe, tirkeý jáne óndiristik qyzmetti rastaý rásimi shtattyq rejimde, tehnikalyq irkilistersiz jáne qosymsha ákimshilik talaptarsyz ótti.
«Silk Road Electronics» JShS josparlaý jáne monitoring bóliminiń mamany Elvira Aryshevanyń aitýynsha, ótinim berý sátinen bastap derekterdi tsifrlyq verifikatsiialaýǵa deiingi barlyq kezeńder belgilengen merzimderde tolyq kólemde júzege asyrylǵan.
Tizilimge engizilý kásiporynǵa qazaqstandyq taýar óndirýshi mártebesin rastaýǵa, memlekettik satyp alýlarǵa qatysý kezinde tsifrlyq júie derekterin paidalanýǵa, sondai aq qoldanystaǵy zańnamada kózdelgen ózge de memlekettik qoldaý sharalaryna úmitker bolýǵa múmkindik berdi.
Óndiris jáne damý
Kásiporynda teledidarlar, kir jýatyn mashinalar, shańsorǵyshtar, elektr sý jylytqyshtary, shaǵyn peshter, as úi plitalary men sorǵyshtardy qamtityn turmystyq tehnikanyń seriialyq óndirisi jolǵa qoiylǵan. Óndiristik protsester qoldanystaǵy tehnikalyq reglamentter men sapa standarttaryna sáikes uiymdastyrylǵan.
Kásiporyn ónimi Qazaqstan Respýblikasynyń ishki naryǵynda ótkiziledi, sondai aq TMD elderine eksporttalady. Orta merzimdi perspektivada óndiristik qýattardy keńeitý jáne shyǵarylatyn ónim nomenklatýrasyn ulǵaitý josparlanyp otyr.
Tizilimniń jumysy
Qazirgi ýaqytta Qazaqstandyq taýar óndirýshilerdiń tizilimi shtattyq rejimde jumys istep tur. Derekterdi rastaý protsesteri, sondai aq basqa memlekettik aqparattyq júielermen ózara is qimyl irkilissiz júzege asyrylýda. Tizilimniń tsifrlyq formaty málimetterdiń jedel jańartylýyn jáne olardy satyp alý rásimderinde paidalanýdy qamtamasyz etip, óndiristik jáne tehnologiialyq protsesterdiń naqty bar ekendigi týraly aqparattyń ashyqtyǵy men senimdiligin arttyrýdyń tiimdi quraly bolyp otyr.
Tizilimdi qoldaný tájiribesi engizilgen skoring tetiginiń tiimdiligin kórsetedi. Ol iske qosylǵan sátten bastap 202 sýbekt baǵalaý rásiminen óte almady jáne tiisinshe málimdelgen óndiristik ári tehnologiialyq protsesterin rastai almady. Bul Tizilim naqty óndiristik qyzmetti júzege asyrmai, otandyq taýar óndirýshi mártebesin málimdeitin jalǵan óndirýshi sýbektilerdi anyqtaýǵa jáne olardy júieden shekteýge múmkindik beretinin, sondai aq adal jáne ashyq básekelestik ortany qalyptastyrýǵa yqpal etetinin dáleldeidi.
