Qazaqstandyq tóreshi Nadejda Paretskaia Italiiada ótken Olimpiada oiyndarynda reseilik mánerlep syrǵanaýshy Adeliia Petrosiannyń erkin baǵdarlamadaǵy ónerin birinshi orynǵa laiyq dep baǵalady. Ol sportshynyń prokatyna 147,04 ball qoiǵan, dep habarlaidy Dalanews.kz.
Adeliia erkin baǵdarlama úshin jalpy 141,64 ball jinady. Eki baǵdarlama qorytyndysy boiynsha onyń nátijesi 214,53 balldy qurap, jalpy esepte altynshy orynǵa turaqtady.
Olimpiada chempiony ataǵyn amerikalyq sportshy Alisa Liý (226,79 ball) jeńip aldy. Kúmis pen qola júldelerdi japoniialyq mánerlep syrǵanaýshylar Kaori Sakamoto men Ami Nakai ielendi.
Adeliia Petrosian jarysqa beitarap mártebede qatysty.
Qysqy Olimpiada oiyndary Qysqy Olimpiada oiyndary Italiianyń Milan jáne Kortina-d’Ampetstso qalalarynda 6–22 aqpan aralyǵynda ótti.
Jelide Petrosiannyń ónerin baǵalaý kezinde Paretskaia komponentter boiynsha eń joǵary upailardy qosa alǵanda, eń kóp baǵalardy qoiǵany jazylyp jatyr. Al kórermenderdiń pikirinshe, qazaqstandyq Sofia Samodelkinaǵa qoiylǵan upailar tómendetilip, nátijesinde ol Olimpiadany 10-orynmen aiaqtaǵan.
