قازاقستاندىق تٶرەشٸ نادەجدا پارەتسكايا يتالييادا ٶتكەن وليمپيادا ويىندارىندا رەسەيلٸك مەنەرلەپ سىرعاناۋشى ادەلييا پەتروسياننىڭ ەركٸن باعدارلاماداعى ٶنەرٸن بٸرٸنشٸ ورىنعا لايىق دەپ باعالادى. ول سپورتشىنىڭ پروكاتىنا 147,04 بالل قويعان, دەپ حابارلايدى Dalanews.kz.
ادەلييا ەركٸن باعدارلاما ٷشٸن جالپى 141,64 بالل جينادى. ەكٸ باعدارلاما قورىتىندىسى بويىنشا ونىڭ نەتيجەسٸ 214,53 باللدى قۇراپ, جالپى ەسەپتە التىنشى ورىنعا تۇراقتادى.
وليمپيادا چەمپيونى اتاعىن امەريكالىق سپورتشى اليسا ليۋ (226,79 بالل) جەڭٸپ الدى. كٷمٸس پەن قولا جٷلدەلەردٸ جاپونييالىق مەنەرلەپ سىرعاناۋشىلار كاوري ساكاموتو مەن امي ناكاي يەلەندٸ.
ادەلييا پەتروسيان جارىسقا بەيتاراپ مەرتەبەدە قاتىستى.
قىسقى وليمپيادا ويىندارى قىسقى وليمپيادا ويىندارى يتالييانىڭ ميلان جەنە كورتينا-د’امپەتستسو قالالارىندا 6–22 اقپان ارالىعىندا ٶتتٸ.
جەلٸدە پەتروسياننىڭ ٶنەرٸن باعالاۋ كەزٸندە پارەتسكايا كومپونەنتتەر بويىنشا ەڭ جوعارى ۇپايلاردى قوسا العاندا, ەڭ كٶپ باعالاردى قويعانى جازىلىپ جاتىر. ال كٶرەرمەندەردٸڭ پٸكٸرٸنشە, قازاقستاندىق سوفيا سامودەلكيناعا قويىلعان ۇپايلار تٶمەندەتٸلٸپ, نەتيجەسٸندە ول وليمپيادانى 10-ورىنمەن اياقتاعان.
