Sergei Veselovtyń ákesiniń aitýynsha, uly 19 maýsymda Astanadan Ystanbulǵa demalýǵa barǵan. Sol kúnnen bastap bir apta boiy jaqyndarymen bailanysta bolǵan. Alaida keiinnen bailanys úzilgen. Izdeýge kirisken ákesi ulynyń Saýd Arabiiasynyń Mádina qalasynda ekenin anyqtaǵan, dep habarlaidy Dalanews.kz.
“Za nami ýje vyehali” telegram arnasynyń málimetinshe, sportshynyń bul qalaǵa ne sebepti barǵanyn týystary bilmeidi.
“Qazir biz onyń tiri ekenin anyqtadyq. Tergeý izoliatorynda otyr. Biraq qai ýchaskede, qandai bappen aiyptalyp jatqany ázirge belgisiz. Konsýl “ýaqyt kerek” dep otyr. Ulym Saýd Arabiiasynda, Mádina qalasynda ekenin rastady”, – deidi Sergeidiń ákesi.
Qazaqstandyq azamattyń ustalǵanyn elimizdiń Syrtqy ister ministrligi de rastady:
“Ol quqyq qorǵaý organdary tarapynan ustaldy. Qazir Mádina qalasynda. Ázirge eshqandai aiyp taǵylǵan joq. Jaǵdaidy anyqtap jatyrmyz”, – delingen resmi jaýapta.
Qazir Veselovtar otbasy ulyna qorǵaýshy men aýdarmashy jaldaý úshin qarjylai kómek izdep júr. Olar qazaqstandyqtardan qoldaý suraidy.
Aita keteiik, 19 jastaǵy Sergei Veselov – Shyǵys Qazaqstan oblysynyń birneshe dúrkin chempiony, paýerliftingten Aziia chempiony jáne álem chempionatynyń júldegeri.
