Qazaqstandyq short-trek sheberi Abzal Ájiǵalıev ómirindegi mańyzdy sátti ózgeshe formatta atap ótti. Ol saltanatty neke qıý rásimin muz ústinde ótkizip, kópshiliktiń nazaryn aýdardy, dep habarlaıdy Dalanews.kz.
Tanymal sportshynyń tańdaýy Dılnaz esimdi jýrnalıs arýǵa túsken.
Bul mańyzdy oqıǵa onyń 2026 jylǵy Olımpıadadan keıingi kezeńimen tuspa-tus keldi. Aıta keteıik, Ájiǵalıev bul dodaǵa tórt ret qatysqan tájirıbeli sportshy.
Italıadaǵy jarystan keıin sportshynyń bolashaǵyna qatysty suraqtar jıilegen edi. Degenmen Ájiǵalıev mansabyn jalǵastyrý máselesi boıynsha áli naqty sheshim qabyldamaǵanyn aıtty.
Eske salaıyq, ol eki ret Olımpıada oıyndarynda Qazaqstan quramasynyń týyn ustady. Sondaı-aq 2016 jyly short-trekten álem kýbogynda jeńiske jetken alǵashqy qazaqstandyq sportshy retinde tarıhqa engen.
