Qazaqstandyq oqýshylar robot oiynynda joǵary marapattarǵa ie boldy. Jańaózen qalasynan barǵan "Rebels" komandasynyń 9-11-synyp oqýshylary Sultan Bimaǵambet, Beksultan Oǵlanbek, Ádilet Baiǵuben, Izbazar Balǵambarov, Batyrjan Orynbaev, Aibek Nuraly, Bek Erlepes, Daniiar Ysqaqov jáne Mádi Jandosov robottyń oilastyrylǵan dizainy men qyzmeti úshin Design Award syilyǵyn aldy.
"Qazaqstan quramasy túrik tarapynan ekskliýziv shaqyrý aldy. Shákirtterimniń shetelde jeńiske jetýi naǵyz umytylmas sezim. Endi Astanada ótetin Ortalyq Aziia kezeńine qarqyndy daiyndalamyz", - deidi "Rebels" komandasynyń jattyqtyrýshysy Jónder Súleimenova.
Aita keteiik, qazaqstandyq oqýshylar Túrkiia chempionatyna joldamany byltyr jeltoqsanda Oqý-Aǵartý Ministrligi men Almaty qalasy ákimdiginiń qoldaýymen ótken, USTEM Foundation qoǵamdyq qory uiymdastyrǵan Almaty Tech Cup respýblikalyq týrnirinde jeńip alǵan edi.
