قازاقستاندىق وقۋشىلار روبوت ويىنىندا جوعارى ماراپاتتارعا يە بولدى. جاڭاٶزەن قالاسىنان بارعان "Rebels" كومانداسىنىڭ 9-11-سىنىپ وقۋشىلارى سۇلتان بيماعامبەت, بەكسۇلتان وعلانبەك, ەدٸلەت بايعۇبەن, ٸزبازار بالعامباروۆ, باتىرجان ورىنباەۆ, ايبەك نۇرالى, بەك ەرلەپەس, دانييار ىسقاقوۆ جەنە مەدي جاندوسوۆ روبوتتىڭ ويلاستىرىلعان ديزاينى مەن قىزمەتٸ ٷشٸن Design Award سىيلىعىن الدى.
"قازاقستان قۇراماسى تٷرٸك تاراپىنان ەكسكليۋزيۆ شاقىرۋ الدى. شەكٸرتتەرٸمنٸڭ شەتەلدە جەڭٸسكە جەتۋٸ ناعىز ۇمىتىلماس سەزٸم. ەندٸ استانادا ٶتەتٸن ورتالىق ازييا كەزەڭٸنە قارقىندى دايىندالامىز", - دەيدٸ "Rebels" كومانداسىنىڭ جاتتىقتىرۋشىسى جٶندەر سٷلەيمەنوۆا.
ايتا كەتەيٸك, قازاقستاندىق وقۋشىلار تٷركييا چەمپيوناتىنا جولدامانى بىلتىر جەلتوقساندا وقۋ-اعارتۋ مينيسترلٸگٸ مەن الماتى قالاسى ەكٸمدٸگٸنٸڭ قولداۋىمەن ٶتكەن, USTEM Foundation قوعامدىق قورى ۇيىمداستىرعان Almaty Tech Cup رەسپۋبليكالىق تۋرنيرٸندە جەڭٸپ العان ەدٸ.
