Almaty prokýratýrasy 2021 jyldyń qarasha aıynyń basynda denesi Almaty qalasynyń Bostandyq aýdanyndaǵy qonaqúılerdiń birinen tabylǵan garvardtyq stýdent Aqnazar Qajymurattyń jumbaq óliminiń jaı-japsary týraly málimet berdi.
Sot-medısınalyq saraptamasy Aqnazar Qajymurattyń ólimi psıhotropty analgetık — tramadoldan ýlaný saldarynan bolǵanyn kórsetken. Onyń denesinen zorlyq-zombylyqpen belgileri tabylmaǵan.
«Máıit Vivaldi International qonaqúıiniń dýsh bólmesindegi edennen tabyldy. Oqıǵa ornyn tekserý kezinde eshqandaı hat tabylǵan joq, biraq ishinde untaq tárizdi zaty bar plasıkalyq quty tabylyp, tárkilendi», –delingen prokýratýra habarlamasynda.
Sondaı-aq vedomstvo ókilderi atap ótkendeı, sot-hımıalyq saraptamasy «plasıkalyq qumyrada tabylǵan untaqty zattyń quramynda Qazaqstanda qadaǵalaýǵa alynǵan esirtki quraldary, psıhotroptyq zattar nemese olardyń analogteri bolmaǵanyn» kórsetken.
Iaǵnı, «belgisiz zat salynǵan quty» máıittiń janynan kezdeısoq tabylǵan.
İs boıynsha tergeý kóktemde, 2022 jylǵy 30 naýryzda jabyldy.
Aıta ketsek, Aqnazar Qajymurat esimi 2018 jyly tanymal bola bastaǵan edi. Sodan keıin ol Nazarbaev Zıatkerlik mektebiniń 12-synybynda oqyp júrip, ACT jáne SAT Subject Tests halyqaralyq emtıhandarynda múmkin bolatyn eń joǵary bal – 36-dan 36 jáne 2 400-den 2 400 kórsetkishke qol jetkizip, biregeı rekord ornatqan edi.
Osydan keıin oǵan oqýyn jalǵastyrý úshin álemniń kez kelgen ýnıversıtetin tańdaý quqyǵy berildi. Sol kezde bozbala Garvardý ýnıversıtetin tańdaǵan.
Jas jigittiń máıiti qonaqúı bólmesinen tabylmaı turǵanda týystary onyń joǵalyp ketkeni týraly polısıaǵa aryzdanǵan. Tártip saqshylary jas jigitti eki kún boıy izdedi. Onyń 2021 jyldyń 5 qarashasynda qaıtys bolǵany belgili boldy.
A.Qajymurat máıiti tabylǵannan keıin ol óz-ózine qol jumsaýy múmkin degen aqparat paıda boldy. Polısıadaǵy derekkózderden belgili bolǵandaı, qonaqúıden onyń máıiti tabylǵan kezde janynda túrli dári-dármek salynǵan rúkzak jatqan.
Aqnazar Qajymurat otbasynyń tuńǵyshy bolǵan. Odan bólek, ata-anasynyń taǵy eki uly bar. Ákesi barlyq balasyn jalǵyz tárbıelegen, ata-anasy ajyrasqannan keıin uldar ákesimen birge qalǵan.
Aqnazardyń ákesi Arman Abdýllahanov – zańger, shahmatshy. Sondaı-aq grek-rım kúresinen halyqaralyq dárejedegi sport sheberi.
https://dalanews.kz/news/80485-kadrlyq-rezervke-engen-azamattardyng
https://dalanews.kz/news/80420-qazaqstandyq-erikti-zhastar-plastik
