الماتى پروكۋراتۋراسى 2021 جىلدىڭ قاراشا ايىنىڭ باسىندا دەنەسى الماتى قالاسىنىڭ بوستاندىق اۋدانىنداعى قوناقۇيلەردىڭ بىرىنەن تابىلعان گارۆاردتىق ستۋدەنت اقنازار قاجىمۇراتتىڭ جۇمباق ءولىمىنىڭ جاي-جاپسارى تۋرالى مالىمەت بەردى.
سوت-مەديسينالىق ساراپتاماسى اقنازار قاجىمۇراتتىڭ ءولىمى پسيحوتروپتى انالگەتيك — ترامادولدان ۋلانۋ سالدارىنان بولعانىن كورسەتكەن. ونىڭ دەنەسىنەن زورلىق-زومبىلىقپەن بەلگىلەرى تابىلماعان.
«ءمايىت Vivaldi International ءقوناقۇيىنىڭ دۋش بولمەسىندەگى ەدەننەن تابىلدى. وقيعا ورنىن تەكسەرۋ كەزىندە ەشقانداي حات تابىلعان جوق، ءبىراق ىشىندە ۇنتاق ءتارىزدى زاتى بار پلاستيكالىق قۇتى تابىلىپ، تاركىلەندى»، –دەلىنگەن پروكۋراتۋرا حابارلاماسىندا.
سونداي-اق ۆەدومستۆو وكىلدەرى اتاپ وتكەندەي، سوت-حيميالىق ساراپتاماسى «پلاستيكالىق قۇمىرادا تابىلعان ۇنتاقتى زاتتىڭ قۇرامىندا قازاقستاندا قاداعالاۋعا الىنعان ەسىرتكى قۇرالدارى، پسيحوتروپتىق زاتتار نەمەسە ولاردىڭ انالوگتەرى بولماعانىن» كورسەتكەن.
ياعني، «بەلگىسىز زات سالىنعان قۇتى» ءمايىتتىڭ جانىنان كەزدەيسوق تابىلعان.
ءىس بويىنشا تەرگەۋ كوكتەمدە، 2022 جىلعى 30 ناۋرىزدا جابىلدى.
ايتا كەتسەك، اقنازار قاجىمۇرات ەسىمى 2018 جىلى تانىمال بولا باستاعان ەدى. سودان كەيىن ول نازاربايەۆ زياتكەرلىك مەكتەبىنىڭ 12-سىنىبىندا وقىپ ءجۇرىپ، ACT جانە SAT Subject Tests حالىقارالىق ەمتيحاندارىندا مۇمكىن بولاتىن ەڭ جوعارى بالل – 36-دان 36 جانە 2 400-دەن 2 400 كورسەتكىشكە قول جەتكىزىپ، بىرەگەي رەكورد ورناتقان ەدى.
وسىدان كەيىن وعان وقۋىن جالعاستىرۋ ءۇشىن الەمنىڭ كەز كەلگەن ۋنيۆەرسيتەتىن تاڭداۋ قۇقىعى بەرىلدى. سول كەزدە بوزبالا گارۆاردۋ ۋنيۆەرسيتەتىن تاڭداعان.
جاس جىگىتتىڭ ءمايىتى ءقوناقۇي بولمەسىنەن تابىلماي تۇرعاندا تۋىستارى ونىڭ جوعالىپ كەتكەنى تۋرالى پوليسياعا ارىزدانعان. ءتارتىپ ساقشىلارى جاس جىگىتتى ەكى كۇن بويى ىزدەدى. ونىڭ 2021 جىلدىڭ 5 قاراشاسىندا قايتىس بولعانى بەلگىلى بولدى.
ا.قاجىمۇرات ءمايىتى تابىلعاننان كەيىن ول وز-وزىنە قول جۇمساۋى مۇمكىن دەگەن اقپارات پايدا بولدى. پوليسياداعى دەرەككوزدەردەن بەلگىلى بولعانداي، قوناقۇيدەن ونىڭ ءمايىتى تابىلعان كەزدە جانىندا ءتۇرلى دارى-دارمەك سالىنعان ريۋكزاك جاتقان.
اقنازار قاجىمۇرات وتباسىنىڭ تۇڭعىشى بولعان. ودان بولەك، اتا-اناسىنىڭ تاعى ەكى ۇلى بار. اكەسى بارلىق بالاسىن جالعىز تاربيەلەگەن، اتا-اناسى اجىراسقاننان كەيىن ۇلدار اكەسىمەن بىرگە قالعان.
اقنازاردىڭ اكەسى ارمان ابدۋللاحانوۆ – زاڭگەر، شاحماتشى. سونداي-اق گرەك-ريم كۇرەسىنەن حالىقارالىق دارەجەدەگى سپورت شەبەرى.
https://dalanews.kz/news/80485-kadrlyq-rezervke-engen-azamattardyng
https://dalanews.kz/news/80420-qazaqstandyq-erikti-zhastar-plastik
