Ekibastuzda jasyryn alkogól óndirý sehy anyqtaldy, dep habarlaıdy Dalanews.kz.

«Quqyqtyq tártip» jedel-profılaktıkalyq is-sharasy barysynda polısıa qyzmetkerleri Ekibastuz qalasynda óz úıinde zańsyz túrde alkogól óndiretin jasyryn seh uıymdastyrǵan turǵynnyń áreketin toqtatty.

"Úı-jaıdy tekserý kezinde ishinde belgisiz suıyqtyq bar 139 plasık bótelke, syraǵa uqsas 288 lıtr suıyqtyq, 10 shyny kolba jáne alkogól ónimderin (vıskı, lıker, syra) qoldan jasap shyǵarýǵa arnalǵan apparat, sondaı-aq spırt óndirýge arnalǵan qural-jabdyqtar anyqtalyp, tárkilendi. Ónimderge belgili brendterdiń etıketkalary japsyrylǵan, alaıda aksızdik belgileri bolmaǵan. Tárkilengen ónim saraptamaǵa jiberildi, onyń nátıjeleri boıynsha prosesýaldyq sheshim qabyldanady", – dep habarlady Pavlodar oblysy Ekibastuz qalasy PB bastyǵy Tólegen Qudaıbergenov.

Polısıa eskertedi: alkogól ónimderin zańsyz daıyndaý, sondaı-aq ony óndirýge arnalǵan jabdyqtardy saqtaý qoldanystaǵy zańnamaǵa sáıkes jaýapkershilikke ákep soǵady.