Qazaqstan dárigerleri Aýǵanstandaǵy gýmanitarlyq missiiaǵa qatysyp jatyr. Olar ondaǵan kúrdeli ota jasady, dep habarlaidy Dalanews.kz.
Qazaqstan 3 qarashaǵa qaraǵan túni bolǵan magnitýdasy 6,3 balldyq jer silkinisinen keiin Aýǵanstanǵa meditsinalyq kómek kórsetýdi jalǵastyrýda.
Prezidenttiń tapsyrmasy boiynsha gýmanitarlyq júk pen meditsinalyq brigada jóneltildi, olar ótken aptadan beri oqiǵa ornynda jumys istep jatyr.
Memlekettik rezervten dári-dármekter, hirýrgiialyq quraldar, tańǵyshtar, shatyrlar, tósek-jabdyqtar jáne basqa da qajetti resýrstar jetkizildi.
Missiia quramyna kóptegen jaraqattarmen, polijaraqattarmen jáne shuǵyl jaǵdailar boiynsha tájiribesi bar mamandar kirdi.
Qazaqstandyq brigadanyń quramynda akademik Batpenov atyndaǵy UǴTOO dárigerleri meditsinalyq kómek kórsetedi: O.Bekarysov, D.Ǵalym, A.Dolgov, R.Ábilov, B.Turlybekov. Ulttyq neirohirýrgiia ortalyǵy: S.Karibai, N.Áshirov, A.Qadyrov.
Ulttyq shuǵyl meditsinany úilestirý ortalyǵy: A.Satybaldin, S.Nurtazin, R. Sálimov, A.Qydyrbaev, G. Túsipbekov.
Osy ýaqyttyń ishinde qazaqstandyq dárigerler ondaǵan konsýltatsiia, zerttep-qaraý men operatsiialar ótkizdi.
