قازاقستان دارىگەرلەرى اۋعانستانداعى گۋمانيتارلىق ميسسياعا قاتىسىپ جاتىر. ولار ونداعان كۇردەلى وتا جاسادى، دەپ حابارلايدى Dalanews.kz.

قازاقستان 3 قاراشاعا قاراعان ءتۇنى بولعان ماگنيتۋداسى 6،3 باللدىق جەر سىلكىنىسىنەن كەيىن اۋعانستانعا مەديسينالىق كومەك كورسەتۋدى جالعاستىرۋدا.

پرەزيدەنتتىڭ تاپسىرماسى بويىنشا گۋمانيتارلىق جۇك پەن مەديسينالىق بريگادا جونەلتىلدى، ولار وتكەن اپتادان بەرى وقيعا ورنىندا جۇمىس ىستەپ جاتىر.

مەملەكەتتىك رەزەرۆتەن دارى-دارمەكتەر، حيرۋرگيالىق قۇرالدار، تاڭعىشتار، شاتىرلار، توسەك-جابدىقتار جانە باسقا دا قاجەتتى رەسۋرستار جەتكىزىلدى.

ميسسيا قۇرامىنا كوپتەگەن جاراقاتتارمەن، پوليجاراقاتتارمەن جانە شۇعىل جاعدايلار بويىنشا تاجىريبەسى بار ماماندار كىردى.

قازاقستاندىق بريگادانىڭ قۇرامىندا اكادەميك باتپەنوۆ اتىنداعى ۇعتوو دارىگەرلەرى مەديسينالىق كومەك كورسەتەدى: و.بەكارىسوۆ، د.عالىم، ا.دولگوۆ، ر.ءابىلوۆ، ب.تۇرلىبەكوۆ. ۇلتتىق نەيروحيرۋرگيا ورتالىعى: س.كارىباي، ن.ءاشىروۆ، ا.قادىروۆ.

ۇلتتىق شۇعىل مەديسينانى ۇيلەستىرۋ ورتالىعى: ا.ساتىبالدين، س.نۇرتازين، ر. ءسالىموۆ، ا.قىدىربايەۆ، گ. تۇسىپبەكوۆ.

وسى ۋاقىتتىڭ ىشىندە قازاقستاندىق دارىگەرلەر ونداعان كونسۋلتاسيا، زەرتتەپ-قاراۋ مەن وپەراسيالار وتكىزدى.