Qazaqstandyq bankter birjadan tys Reseidiń rýblin satyp alýdy kúrt arttyrǵan. Birinshi kredittik biýro málimetinshe, qazan aiynda jalpy somasy 71,6 mlrd rýbl satyp alynǵan, bul mámilelerde kórsetilgen ortasha baǵam boiynsha shamamen 361,6 mlrd teńge bolady. Onyń negizgi bóligi - 67,9 milliard rýbl rezident emes bankterdiń júrgizgen operatsiialaryna tiesili, dep habarlaidy Dalanews.kz.
"Ótken aimen salystyrǵanda satyp alynǵan rýbldiń jalpy kólemi 3,6 ese ósti, al qańtar-qyrkúiek ailarynda tirkelgen ortasha deńgeiden alty esege jýyq aiyrma bar. Qazirgiden de kóp kólem sońǵy ret 2022 jyldyń sáýiri men jeltoqsan ailarynda tirkelgen, biraq ol kezdegi jaǵdai áldeqaida túsinikti bolatyn. Qazaqstandaǵy reseilik bankterdiń enshiles kompaniialaryn ilip ketken sanktsiia aiasynda mundai operatsiialar "bas uiymnyń qoldaýynan túsken" aqshalardy da qamtyp edi. Sanktsiiaǵa deiingi kezeńde, iaǵni 2021 jyly bul soma bar-joǵy 2,5 mlrd rýbldi quraǵan", delinedi DATA HAB keltirgen málimette.
Birjadan tys naryqtarda taǵy da qandai ózgeshe jaǵdailar baiqalady?
Rezident emes bankter júrgizgen iýan saýdasy boiynsha operatsiialardaǵy tsifr bas ainaldyratyndai bolmasa da aitarlyqtai jandanyp jatqany baiqalady.
"Bul soma 32,9 mln iýandy (shamamen 2,3 mlrd teńgeni) qurady, al jyldyń aldyńǵy toǵyz aiynda dál osyndai mámileler somasy nebári 6,3 mlrd iýanǵa deiin jetip, 2023 jyldyń bútin boiynda barlyǵy 4,2 mlrd iýan boldy. Aitqandai, biylǵy jyly taǵy iýanǵa qatysty anomaldy jaǵdai shilde aiynda tirkeldi: satyp alý kólemi, negizinen rezidentter arasyndaǵy operatsiialar boiynsha sol kezde 3,9 mlrd iýanǵa jetip, bir aida 30 esege derlik ósimdi kórsetip edi. Sarapshylar bul belsendilik Mosbirjaǵa salynǵan sanktsiiadan keiin bizdiń naryqqa reseilik kompaniialardyń lap qoiýymen bailanysty bolýy múmkin degen boljamdy aitqan edi", - deidi DATA HAB sarapshylary.
Aita ketsek, , 7 qarashada Qazaqstannyń jeti kompaniiasy batystyń sanktsiiasyna ushyraǵany belgili boldy. Ulttyq ekonomika ministri Ýkrainaǵa basqynshylyq jasaǵan Reseidiń áskeri ónerkásibine qajet jetkizýmen jáne shyǵarýmen ainalysady dep aiyptalǵan bul kompaniialardy "bir kúndik" dep atady.
