Qazaqstandyq álem chempiony Ulybritaniiadan saiasi baspana surady.
Aqtaýdan shyqqan tanymal sportshy, Ginness rekordtar kitabynyń rekordshysy Ildar Iagiaev shetelge jumys isteýge ketip, Ulybritaniiadan saiasi baspana suraǵanyn málimdedi, dep habarlaidy Dalanews.kz Newtimes.kz saityna silteme jasap.
Onyń sózinshe, bári onyń Ulybritaniiaǵa qyryqqabat jinaýǵa ketkeni týraly materialdar jariialana bastaǵannan soń bastalǵan.
«Men saiasi baspana retinde qorǵanys suradym, sebebi Qazaqstanda meniń ómirime qaýip tónip tur,qoqan-loqylar boldy. Barlyǵy shilde aiynda, BAQ-tarda belgili "sportshynyń Angliiaǵa qyryqqabat jinaýǵa ketkeni týraly" aqparat taraǵan kezde bastaldy. Sodan keiin maǵan túrli nómirlerden qońyraý shala bastady, áleýmettik jelilerde jazyp, túsiniksiz adamdar úiime jáne jumys ornyma izdep keletin boldy», – dep málimdedi Ildar.
Ildardyń aitýynsha, eki jyldyń ishinde Ulybritaniia birneshe jumys ornyn aýystyrýǵa týra kelgen, bastapqyda ol egistikte jumys istegen.
«Men fýtbol matchtarynda stiýard boldym, leibor (qara jumysshy – avt. eskertpe) retinde jumys istedim, Makdonaldsta istedim. Zańsyz jumys tabý qiyn. Maǵan saiasi baspana berý maquldanǵannan keiin jaqsyraq jumystar shyǵýy múmkin – dostarym usynystar jasap jatyr. Sebebi Qazaqstanda tanymal jyldam tamaqtaný jelileriniń direktory bolyp jumys istegenmin», – dep bólisti Ildar Iagiaev.
