Qazaqstandyq Halyk Bank, ForteBank, Jusan Bank jáne RBK Bank qarjy mekemeleri qazir «Zolotaia korona» aqsha aýdarym júiesi arqyly qarajat aýdarý múmkindigin toqtatyp qoidy. Oǵan reseilik «Tsentr finansovyh tehnologii» (TsFT) kompaniiasyna AQSh salǵan sanktsiia sebep boldy dep habarlaidy Dalanews.kz BES.media-ǵa silteme jasai otyryp.
«Zolotaia koronanyń» baǵdarlamalaýshy-kompaniiasyna sanktsiia salynǵan soń qazaqstandyq birneshe bank bul reseilik servispen seriktestikti ýaqytsha toqtatqan edi. Sonyń saldarynan Reseige aqsha alyp-salyp júrgender ol múmkindikten aiyrylǵan. Qazaqstanda bul servis óte ataqty. Mysaly shildede Qazaqstannan jiberilgen barlyq aýdarymnyń 90 paiyzy «Zolotaia korona» arqyly jiberilgen. Sol siiaqty jartysyna jýyǵy sol servisten Qazaqstanǵa túsip otyrǵan. Reseilik kompaniiamen jumys isteýge qatysty sheshimdi ár bank ózi qabyldaidy.
«Zolotaia koronamen» jumysty toqtata turǵan bankterge kelsek, sany tórteý: Halyk Bank, ForteBank, Jusan Bank jáne RBK Bank. Al VTB burynnan jumys istemegen. Qazir reseilik servis qyzmeti áli júrip turǵan bankter ishinde TsentrKredit banki, Bereke Bank, Eýraziialyq bank, Freedom Bank, Nurbank pen Altyn Bank bar.
Halyk Bank baspasóz-qyzmeti halyqaralyq sanktsiialardy qatań saqtaitynyn atap ótken. Al ForteBank birjolata emes, ýaqytsha ǵana toqtatyp qoiǵan. Qarjy uiymy «Qazir biz «Zolotaia korona» seriktesteriniń birine sanktsiia salyndy degen jańalyq shyqqan soń qosymsha tekseris jasap jatyrmyz. Osy jaǵdaidy anyqtaý úshin qosymsha aqparat surattyq. Máseleniń mán-jaiy anyqtalǵan soń sheshim qabyldanady» —, deidi.
Joǵaryda aitylǵan basqa bankterde «Zolotaia korona» arqyly aqsha jibere berýge bolady. Dese de, Reseige múldem qarajat joldanbaidy degen sóz emes. Sebebi SWIFT-aýdarym arqyly da aqsha joldaityn múmkindik bar ekenin aita ketý kerek. Amalyn tapqandar osylai túrli jol izdeidi.
