Ulybritaniia Reseidiń memlekettik «Rosatom» kontserniniń azamattyq baǵyttaǵy úsh enshiles kompaniiasyna atom salasyndaǵy halyqaralyq jobalar portfelin keńeitýge qatysy bar degen sebeppen sanktsiia engizdi, dep habarlaidy Dalanews.kz.
Kezekti sanktsiialyq paket aiasynda Rosatom energetikalyq jobalary AQ-ǵa (Rosatom Energy Projects) jáne onyń basshysy Andrei Rojdestvinge, «Rosatom sheteldik generatsiia» quramyna kiretin injiniringtik ári konsaltingtik REIN Engineering kompaniiasyna, sondai-aq Rýsatom Oversiz jáne ony basqaratyn Ilia Vergizaevke qatysty engizildi. Bul qurylymdardyń barlyǵy álemdegi atom elektr stantsiialaryn salý boiynsha eń iri portfelge ie «Rosatomnyń» sheteldegi jobalarymen ártúrli deńgeide bailanysty.
Máselen, «Rosatom energetikalyq jobalary» 2022 jyly energetika salasyndaǵy «Rosatomnyń» búkil ónim jelisin álemdik naryqta ilgeriletý jáne kelisimsharttarǵa qol jetkizý maqsatynda qurylǵan. Ulybritaniia biligi atalǵan kompaniialardy sanktsiialyq tizimge engizý sebebin shetelde jańa reseilik atom nysandaryn salý jóninde kelisimsharttar alýǵa talpynystarymen túsindirdi. Úkimettiń baspasóz habarlamasynda bul qadam munai tabystarynyń tómendeýin óteitin qosymsha energetikalyq kiris kózin ashýy múmkin ekeni aitylǵan.
«Rosatom» bul máselege qatysty pikir bildirýden bas tartty. Kontsernniń ózi sanktsiiaǵa ilinbegen, alaida onyń basshysy Aleksei Lihachev buǵan deiin AQSh pen Ulybritaniianyń sanktsiialyq tizimine engizilgen.
Ulybritaniia baǵalaýynsha, Reseidiń Ýkrainaǵa qarsy soǵysy bastalǵan 2022 jyldan bergi eń aýqymdy sanktsiialyq paket munai salasyn, reseilik bankterdi, tankerlerdi jáne basqa da sektorlardy qamtydy. Sanktsiialyq tizimge Resei munai eksportynyń 80%-yna jaýap beretin munai tasymalynyń monopolisi Transneft te engizildi. Sonymen qatar Dýbaida ornalasqan 2Rivers tobyna kiretin 175 kompaniia da shekteýlerge ushyrady. Ulybritaniia úkimeti bul topty álemdegi eń iri «kóleńkeli flot» operatorlarynyń biri ári reseilik munaidyń iri treideri dep atady.
