I.Jansúgirov atyndaǵy Jetisý ýniversiteti bazasynda QR Ǵylym jáne joǵary bilim ministrliginiń qoldaýymen «Lýdomaniia: áleýmettik syn-qaterler, qarsy is-qimyl strategiialary jáne qumar oiyndardy memlekettik retteý» atty halyqaralyq ǵylymi-tájiribelik konferentsiia ótti. Aýqymdy jiynǵa QR Ǵylym jáne joǵary bilim ministrligi Joǵary jáne joǵary oqý ornynan keiingi bilim komiteti tóraǵasynyń orynbasary Aqerke Abylaihan, Jetisý oblysy ákiminiń orynbasary Marlen Kólbaev, quqyq qorǵaý organdarynyń ókilderi, sheteldik jáne otandyq joǵary oqý oryndarynyń ǵalymdary, sarapshylar men zertteýshiler qatysty, dep habarlaidy dalanews.kz.
Halyqaralyq konferentsiia qoǵamdaǵy ózekti máselege ainalǵan lýdomaniianyń áleýmettik, quqyqtyq, psihologiialyq jáne meditsinalyq qyrlaryn keshendi túrde talqylaýǵa arnaldy. Búginde qumar oiyndarǵa táýeldilik jeke adamnyń ǵana emes, tutas qoǵamnyń turaqtylyǵyna áser etetin kúrdeli áleýmettik qubylys retinde baǵalanýda. Ásirese jastar arasynda keń taralýy otbasy qundylyqtaryna, qoǵamdyq sanaǵa jáne qarjylyq turaqtylyqqa eleýli qaýip tóndirýde.
Sońǵy jyldary memleket deńgeiinde bul máselege erekshe nazar aýdarylyp keledi. Memleket basshysy Qasym-Jomart Toqaev 2023 jylǵy Ulttyq quryltaida qumar oiyndarǵa táýeldiliktiń qoǵamǵa tigizetin zardaptaryn atap ótip, jastardy mundai qaýipten qorǵaý, aldyn alý tetikterin kúsheitý jáne jaýapkershilik mádenietin qalyptastyrý baǵytyndaǵy jumystardy júieleý qajettigin kótergen bolatyn. Al 2024 jylǵy Qaýipsizdik keńesinde lýdomaniia máselesi qoǵamdyq qaýipsizdik pen áleýmettik turaqtylyqqa yqpal etetin faktorlardyń biri retinde qarastyrylyp, memlekettik deńgeide keshendi sharalardy kúsheitý mindeti qoiyldy. Osy turǵydan alǵanda Jetisý jerinde ótken halyqaralyq konferentsiia memlekettik saiasat pen ǵylymi izdenisti ushtastyrǵan mańyzdy alańǵa ainaldy.
Plenarlyq májiliste QR Ǵylym jáne joǵary bilim ministri Saiasat Nurbektiń quttyqtaý hatyn Joǵary jáne joǵary oqý ornynan keiingi bilim komiteti tóraǵasynyń orynbasary Aqerke Abylaihan oqyp berdi. Quttyqtaýda: «Búginde lýdomaniia jáne addiktivti minez-qulyqtyń ózge de túrleri tek meditsinalyq nemese jeke másele aiasynan shyǵyp otyr. Bul – qoǵamdyq densaýlyq, otbasy ál-aýqaty, azamattardyń qarjylyq turaqtylyǵy, tsifrlyq ortanyń qaýipsizdigi, jastar tárbiesi, quqyqtyq mádeniet jáne memlekettik retteýdiń tiimdiligi máselelerin qamtityn kúrdeli áleýmettik qubylys. Konferentsiia halyqaralyq tájiribeni zerdelep, oiynǵa táýeldilikke qarsy is-qimyldyń tiimdi joldaryn aiqyndaityn mańyzdy alańǵa ainalady dep senemin», – delingen.
Konferentsiia aiasynda lýdomaniia taqyrybyna arnalǵan ǵylymi monografiialardyń tusaýkeseri ótti. Atap aitqanda, Ermek Bóribaev pen Janna Hamzinanyń redaktsiiasymen jaryq kórgen «Qumar oiyn biznesin memlekettik retteýdiń halyqaralyq tájiribeleri men lýdomaniianyń aldyn alý sharalaryn keshendi zertteý» («Kompleksnoe issledovanie mejdýnarodnyh praktik gosýdarstvennogo regýlirovaniia igornogo biznesa i mer po predýprejdeniiý lýdomanii») jáne «Qazaqstandaǵy lýdomaniia men oiyn biznesine keshendi pánaralyq taldaý» («Kompleksnyi mejdistsiplinarnyi analiz lýdomanii i igornogo biznesa v Kazahstane») atty ǵylymi eńbekter kópshilikke tanystyryldy. Zertteýlerde qumar oiyndarǵa táýeldiliktiń sebepteri men saldary, halyqaralyq retteý tájiribeleri jáne aldyn alý tetikteri keshendi túrde saralanǵan.
Aita ketý kerek, halyqaralyq konferentsiia QR Ǵylym jáne joǵary bilim ministrliginiń baǵdarlamalyq-nysanaly qarjylandyrýy aiasynda júzege asyrylyp jatqan BR24992927 «Qazaqstandaǵy lýdomaniiany integrativti zertteý jáne ony azaitýdyń kópsalaly strategiialary» ǵylymi baǵdarlamasy, sondai-aq QR Mádeniet jáne aqparat ministrliginiń qoldaýymen jáne Azamattyq bastamalardy qoldaý ortalyǵy KEAQ qatysýymen iske asyrylatyn «Qazaqstan jastary arasynda lýdomaniianyń aldyn alý boiynsha keshendi sharalar» jobasy sheńberinde uiymdastyryldy.
Jetisý tórinde ótken halyqaralyq basqosý ǵylymi qaýymdastyq, memlekettik organdar men azamattyq qoǵam ókilderiniń kúsh biriktirýi arqyly lýdomaniiaǵa qarsy kúrestiń jańa baǵyttaryn aiqyndaǵan mańyzdy dialog alańyna ainaldy.
