Forbes Kazakhstan Qazaqstandaǵy eń bai 75 kásipkerdiń jańartylǵan reitingin jariialady. Biylǵy tizimge 44 jasqa tolmaǵan birneshe jas kásipker engen, dep habarlaidy dalanews.kz.
Reitingtegi eń jas kásipker — 35 jastaǵy Shahmurat Mutálip. Integra Construction KZ kompaniiasynyń benefitsiary alǵash ret Forbes tizimine enip, birden 22-orynǵa jaiǵasqan. Onyń bailyǵy 482 million dollar dep baǵalanǵan.
Tizimge engenderdiń qatarynda 41 jastaǵy Nuráli Áliev te bar. Forbes dereginshe, onyń dáýleti 280 million dollarǵa jetken. Ol Dýbaidaǵy Donatello Hotels and Resorts qonaqúiler jelisine jáne Almatydaǵy Donatello býtik-qonaqúiine ielik etedi.
Jas millionerler qatarynda 44 jastaǵy Aijan Esimniń esimi de ataldy. Ol — Almatynyń burynǵy ákimi Ahmetjan Esimovtiń qyzy. Onyń bailyǵy 207 million dollar dep kórsetilgen. Forbes málimetinshe, negizgi kapital "Qazfosfattaǵy" úlesin satýdan túsken.
Sonymen qatar reitingke Timýr Týrlov, Ǵalymjan Esenov, Almaz Álsenov, Aiǵazy Qusaiynov jáne Asqar Baitasov engen.
